والدة “طفل البلكونة”: “ندمانة علي اللي عملته وأكتر حاجة حزنتني دخول إبني القسم”

قالت والدة “طفل البلكونة“، صاحبة الفيديو الشهير، والذي انتشر اليوم على مواقع التواصل الاجتماعي، إن ما فعلته لم يكن عقاب وكانت محاولة إننا ندخل الشقة، وابني اعترف بعدم معاقبته علي ضياع المفتاح.

تفاصيل واقعة طفل البلكونة

وروت والدة الطفل تفاصيل الواقعة خلال حلولها ضيفة على برنامج “مساء dmc” مع الإعلامية إيمان الحصري، قائلة: “الواقعة ماتصورتش صح من الأول وأنا ماضربتهوش بعد ما دخل من الشباك، ابني بيحبني وأنا حنينة عليهم ومهونش عليه”.

وأضافت: “إيدي اتفلتت غصب عني.. والست اللى فوقي قالتلى حسبى الله ونعم الوكيل.. فإيدى ارتعشت غصب عني، لافتة: “هو اللى طلب مني يطلع ويفتح الباب وأنا محبة عيالى فى قلبى وأبوهم حنين عليهم، حقيقي ندمانة علي اللي عملته وأكتر حاجة حزنتني دخول ابني القسم”.

واختتمت: “ابني حسسنى إن عقله أفضل مني، وإني بربي راجل، أتمناله الخير كله هو وأخواته”.