لو كانت في بيت دعارة مكنتوش عملتوا كل دا.. بدرية طلبة تدعم المعلمة صاحبة فيديو الرقص
حرصت الفنانة بدرية طلبة، على دعم معلمة المنصورة صاحبة مقطع فيديو الرقص المتداول عبر مواقع التواصل الاجتماعي، مشيرة إلى أنها لم ترتكب أي ذنب.
وكتبت بدرية طلبة عبر حسابها الشخصي على موقع التواصل الاجتماعي فيسبوك: الناس اللي كبروا موضوع المعلمة وكانوا سبب في خراب بيتها منكم لله دا إنتوا لو كنتوا ظبطوها في بيت دعارة مكنتوش عملتوا كل اللي انتو عملتوه دا.
وواصلت: هي أجرمت في ايه؟ علشان طلعت رحلة مع زمايلها، وفكت عن نفسها ورقصت وضحكت وهزرت؟ طب كويس والله، متنسوش بقى تحطوا قانون ممنوع أي معلمة تفرح أو ترقص في فرح بنتها أو ابنها عيب يا جماعة دي معلمة برضه.
واختتمت بدرية، قائلة: أي معلمة نفسها تعيش يوم حلو تدارى وتستخبى علشان ميتعملش معاها الجلاشة، وإحنا ما شاء الله عندنا شوية ناس الأخلاق بتخر منهم، موتّوها الله يبتليكم باللي متقدروش عليه.
المعلمة صاحبة فيديو الرقص
وفي سياق متصل، أثارت معلمة من محافظة المنصورة الجدل مؤخرا، وذلك بعدما تداول رواد مواقع التواصل الاجتماعي مقطع فيديو لها وهي ترقص على متن مركب في رحلة نيلية مع زملائها، وتمت إحالتها للتحقيق، وانفصل عنها زوجها بعد رؤيته لمقطع الفيديو.
وحرص العديد من الفنانين على دعم المعلمة، ومنهم هيدي كرم، ووفاء عامر.
آخر أعمال بدرية طلبة
والجدير بالذكر، أن آخر أعمال بدرية طلبة هو مسلسل اللي مالوش كبير، من إخراج مصطفى فكري، وتأليف عمرو محمود ياسين، ومن بطولة ياسمين عبد العزيز، وأحمد العوضي.
