ملخص تصريحات ياسمين صبري في دردشة عبر تويتر: الكون منيو كبير وابعدوا عن مصاصين الطاقة
شاركت النجمة ياسمين صبري في دردشة عبر تويتر من خلال Space أطلقها الكاتب تامر عبده أمين، ووجهت ياسمين من خلال الدردشة العديد من النصائح وشاركت العديد من التجارب الشخصية مع جمهورها.
وننشر في السطور التالية ابرز تصريحات ياسمين صبري من خلال space تويتر.
أنا بنت إسكندرانية كنت عايشة في طبقة متوسطة.. أواجه مشكلة لو خلص مصروفي وهو قليل جدا جدا، وفي وقت من الأوقات كنت في مدرسة حكومة.
كنت بلعب سباحة، وأعيش في منزل جدتي، وكل يوم وأنا ذاهبة إلى التدريب سيرا على الأقدام، أتخيل أنه سيكون لدي أحلى شيء في الدنيا، وكل التفاصيل اتخيلها، وكنت بعمل كدة وأنا مش واعية أن هذا visualizing أو تصور، وأن هذه طريقة واستراتيجي لتخيل حاجات من أجل أن تحدث في الحقيقة.
كنت وأنا صغيرة أتخيل أنه سيكون لدي أحلى جزم، وأحلى شنط، وأحلى عربية، وأحلى بيت، وكل شيء أحلى، ولم يكن لدي أي شيء في يدي يدل على أنني سوف أحقق ذلك، لكن كنت دائما أشعر بأنني استحق، وأنني محظوظة.
كنت دائما أتخيل، وأرسم المستقبل في خيالي، وأسرح كثيرا وأنا ماشية في الطريق، ولم يكن هناك وقتها موبايلات.
عندما حققت جزءا من أحلامي، ظللت أحلم بالمرحلة التي تليها، كل مرحلة تصل لها بتكبر حلمك.
ياسمين صبري وقانون الجذب
-أنا بحلم إزاي، بتخيل وأتخيل، وهذا قانون الجذب، ولم أكن أدري أنني أطبق هذا القانون.
-كنت أحب نفسي، بمعنى ألا أختلط بحاجة ملهاش لازمة، وألا أكون في مكان ملهوش لازمة، أو أكون في حاجة تقلل من نفسي، لأني دايما كنت أشوف نفسي استحق، فكيف يرى الانسان أنه يستحق ويهين نفسه! بل سيضع نفسه في مكانه سيبدأ الأخرين يرونه فيها بعد ذلك.
-عندما بدأت التمثيل، فهمت سيكولوجية المشاهد مع المرأة، وفكرت كيف أغير ذلك، وبدأت أتكلم أكثر عما اشعر به، حتى لو البرامج التليفزيونية المصرية تاخدنا دايما للحديث عن أمور تتعلق باللبس والخروجات.
-الإنسان هو من يصنع مصيره، وبيصنع العالم اللي بيعيش فيه، علشان كدة احنا بنتحاسب في الآخرة، لأننا مخيرين، وكل يوم بناخد قرارات، ستحقق لي الغد، وكل يوم لدينا اختيارات مبناخدش بالنا منها.
كل يوم لدينا اختيارات، انت في منيو، الكون ده منيو كبير بوفيه كدة.
علم الطاقة بيقول، وهشرحها بطريقة بسيطة، تخيل أنك روحت معطم والجرسون جالك وقالك أنت عايز إيه، وأنت قولت أنا عايز فراخ، لكن الفراخ مش حلوة عنده، واللحمة أحلى، فأنت فوت على نفسك فرصة اختيار الأفضل.
لما تيجي تطلب شيء من الكون أو من ربنا فتقوله أنا عايز أحسن حاجة، فتاخد أحسن حاجة، الخير فيما اختاره الله، حتى نقول في الدعاء يا رب اختار لي الخير، وسيبها مفتوحة.
مثلا حد يقول أنا نفسي في مليون جنيه آخدهم من الشغلانة دي، ليه بتحددها! سيبها مفتوحة تجيلك من أي اتجاه، لازم الإنسان يكون منفتح لك حاجة الكون يديهالي، الكون طاقته لا تنتهي، وكرم ربنا لا ينتهي لا ينتهي بجد، مفيش حنفية يقول كفاية عليك كدة.
-لا أؤمن بأنهم 24 قيراط فقط، لأ خالص، أنت لو عايز الدنيا هتاخدها.
-اختاروا الناس اللي يكونوا حواليكم، فيه ناس مصاصين طاقة.
-ربنا مبارك لي حياتي، أنا مبروكة، ومحصنة بقوة ربنا.
-اللي ميحلمش ده شخص ميت.
