نور: جالي اكتئاب ما بعد الولادة.. ومبحبش أعرض أطفالي على السوشيال ميديا
تحدثت الفنانة اللبنانية نور، عن شعورها بعد إنجابها لطفلين وكيف تأقلمت مع الأمومة، وكشفت عن سبب أخفاء أولادها عن مواقع التواصل الاجتماعي.
وقالت نور خلال لقائها مع الفنانة إسعاد يونس في برنامج صاحبة السعادة: أنا اتغيرت كتير من بعد الخلفة والشغل، وكنت بتكسف جدا جدا بس بدأت أتعود وأكون اجرأ، وأول سنة أمومة كانت صعبة، وكان عندي اكتئاب بسبب المسئولية والحبسة ومفيش أجازة من المسئولية هو مش فيلم نخلصه ونرتاح، دا طفل مسئول منك 24 ساعة.
وواصلت: وبعد كدا اتعلمت واتمرنت ولما خلفت تاني كنت فاهمة كل حاجة ومكنتش بحب أسيب ابني لحد ولا ماما ولا أي حد، ومرة صعبت عليا نفسي أوي ومكنش فيه حد بيساعدني واتبهدلت كتير.
تربية نور لأولادها
وأضافت نور: مبحبش أعرض أطفالي على السوشيال ميديا هو مش عيب بس بحس أنهم صغيرين على الشهرة وأنا عايزاهم مشهورين عشان حاجة هما عملوها مش عشان أهلهم وأنا والسوشيال ميديا مش أصحاب أوي، وابني ليو بيحب الشهرة وعشان كدا مش بفتحله السكة دي وبراقب كل حاجة بيعملها.
واختتمت نور، قائلة: ليو ابني شبهي جدا هو صريح ومش بيخبي أي حاجة ومش بيعرف يجامل وأنا كدا أنما بنتي واخده من باباها جدا وبتتكسف وخجولة ومش بتحب الشهرة ولا تحب تبان وبتشتغل بضمير وبتوصل للي عايزاه، وأنا بربي ابني زي ما بابا رباني وبعلمه يعتمد على نفسه وياخد قراراته بس بردو لازم ياخد رأيي الأول.
