مش عايزني أخد حقي.. عدوية شعبان عبد الرحيم يكشف تفاصيل طرد شقيقه له من منزل والدهما
كشف عدوية شعبان عبد الرحيم تفاصيل طرده من منزل والده، على يد شقيقه عبد الرحيم شعبان عبد الرحيم، وذلك بسبب إرث والدهما.
وقال عدوية شعبان عبد الرحيم، في تصريح خاص لـ القاهرة 24: أخويا عبد الرحيم طردني من بيت أبويا بسبب أنه عايز ياخد حقي في التقسيم، وأنا اللي معايا الحق، طردني من البيت لأنه كان بيتردد عليا كتير ويتخانق معايا لحد ما مشاني.
نجل شعبان عبد الرحيم يطرد شقيقه
وسبق وكشف عدوية شعبان عبد الرحيم، في فيديو له على موقع تيك توك، تفاصيل مشاجرته مع شقيقه عبد الرحيم وطرده من منزل والده، وقال خلال الفيديو: أنا تعبت خلاص مش عايز حاجة.. أنا أخويا طردني من البيت ومعايا 7 عيال.
وتابع عدوية شعبان عبد الرحيم: الأخ اللي يمشي أخوه من البيت عشان خاطر الفلوس، يبقى أصله مش جدع، وأنا خلاص عملت لأخويا بلوك من قلبي مش التليفون بس، وأنا أخوك الصغير، وبقولك مش مرضي باللي حصل.. أنا مش عاوز فلوس خلاص.
وأشار عدوية شعبان عبد الرحيم إلى أنه استغنى تمامًا عن الأموال التي سيحصل عليها من إرث والده، وقال: أقسم بالله لو الفلوس اللي هتيجي من حاجة أبويا 10 مليون جنيه، أنا مش عاوز منهم جنيه، ولو أنتم هتبقوا مرضيين خلاص، اعملوا كده.
واختتم حديثه قائلًا بتأثر شديد: مش عايز غير الأدب والاحترام بجد سبوني أعيش في هدوء من غير مشاكل لأن أنا في بداية طريقي وأنا عايش بعيد عنكم محدش عارف عني حاجة أبوس إيديكم سيبوني أقف على رجلي.
