سمية الخشاب لـ شيرين: مفيش حاجة تستاهل إنك تتنازلي عن شعرك.. إحنا بنقعد سنين عشان يطول
تحدثت الفنانة سمية الخشاب عن أزمة شيرين عبد الوهاب وظهورها حليقة الشعر بعد انفصالها عن حسام حبيب، مشيرة إلى أنها صدمت عندما رأتها لأول مرة.
وقالت سمية الخشاب، خلال لقائها مع الإعلامية أسما إبراهيم في برنامجها حبر سري: أنا اتصدمت من شيرين عبد الوهاب، لما شوفتها وهي حالقة شعرها؛ لأن زمان لما تقص شعرها كان بيكون جوزها مات في الحرب فبتقص شعرها حزنا عليه، والتصرف دا ليه تفاسير نفسية كتير، وشيرين جميلة بشكلها وإحساسها وإحنا بنعشقها وهي قوية لأنها برج الميزان.
وواصلت سمية: ممكن تكون عايزة تنتهي من حياة تعبت منها، وعايزة تموتها وتنساها، ودا رد فعل طبيعي أو ممكن يكون رد فعل نفسي عنيف دون تفكير بسبب غلطة ومش عارفة هي رايحة فين وقراراتها صح ولا لا، في كل الأحوال محدش يستاهل تتخلي عن شعرك، دا إحنا بنقعد سنين عشان يطول.
واختتمت سمية، قائلة: دي مش محنة، دي تجربة وعدت وشيرين هتستفاد منها واللي جاي أحلى من اللي فات، وربنا بيعمل الخير لينا، وإحنا بس اللي بنشوف عكس كدا، لأننا بنبص في إطار محدود، وأنا لا يمكن أعمل زيها، أصل عشان مين؟ محدش يستاهل.
آخر أعمال سمية الخشاب
والجدير بالذكر تصدرت سمية تريند مواقع التواصل الاجتماعي بعد مشاركتها في مسلسها الأخير الذي يحمل اسم موسى، من إخراج محمد سلامة، وتأليف ناصر عبد الرحمن، وشارك في المسلسل العديد من الفنانين، من بينهم محمد رمضان، رياض الخولي، عبير صبري، أسماء جلال، وهبة مجدي.
