محمد الباز يوضح أسباب تنظيم مصر لمنتدى شباب العالم
قال الإعلامي محمد الباز، إنه، في طريقه للقاهرة قادما من شرم الشيخ بعد انتهاء فعاليات منتدى شباب العالم في نسخته الرابعة، تحدث معه مواطن بسيط حول أهمية منتدى شباب العالم، وذكر له أن المنتدى فرصة كبيرة لمصر لتعريف العالم بما يحدث في مصر.
وتابع الباز، خلال برنامجه آخر النهار المُذاع على قناة النهار: المواطن قالي كمان لو قعدنا 100 سنة نتكلم مع الناس ونقول عملنا وأنجزنا إيه، فالعالم ممكن يشك لأنه هيعتبر الكلام اللى بنقوله دعاية والناس دايما بتحس بمبالغة في الدعاية، لكن الشباب الأجنبي اللى جه السنة دي مش هو اللى جه في الـ 3 نسخ الأخيرة للمنتدى، وكل واحد من الشباب دي لما يرجع بلده هيتكلم عن مصر واللي حاصل فيها من تطور.
وأضاف الباز: هذه الإجابة البسيطة اللى مفيهاش فذلكة ولا تنظير كافية حول أهمية منتدى شباب العالم، وأننا نبعث رسالة للعالم أننا نشتغل من أجل الإنسانية وبنعمل سلام وحوار وتنمية، ولا ننزعج من الاختلاف.
مصر تمتلك إمكانيات عظيمة
وواصل الإعلامي محمد الباز: شباب من 196 دولة كانوا موجودين خلال أيام المنتدى، ولو أنفقنا دعايا بالمليارات عشان نعرف الناس باللي عندنا مكناش هنوصل للأثر اللي وصلنا بيه للناس في العالم من خلال منتدى شباب العالم.
وأوضح، أن حفل الختام يؤكد أن مصر تمتلك إمكانيات عظيمة: الإبهار الذي رأيناه بيقول أن في تطور في صناعة الإعلام في مصر.
وأردف محمد الباز: المخرجة خيرية المنصوري وهي تعيش في أمريكا تحدثت معي، وقالت في زيارة للقاهرة، إن فنانا كبيرا أمريكيا أرسلت له مقطع فيديو يرصد احتفالية نقل المومياوات وطريق الكباش، وأول انطباع له على الاحتفاليات أنه كان مش مقتنع أن اللي نظم الاحتفالات دي مصريين، وقال إن في ناس كتير في أمريكا متقدرش تنظم الاحتفاليات بالشكل ده.
وأكد الباز، أن ما أنفق على منتدى شباب العالم هو من أموال الرعاة، منوهًا بأن تلك الفعاليات نجني من ورائها مكاسب سياسية وثقافية، ودور وتأثير لمصر في العالم، لأن الاحتفاليات تنشر صورة إيجابية عن مصر وتروج للسياحة المصرية.
