سمية الخشاب: الناس بتستغل وجعي وفقداني للطحال بكوميك سخيفة
أكدت الفنانة سمية الخشاب أنها لم تستغل تصريحات فقدانها الطحال حتى تتصدر التريند على السوشيال ميديا، مشيرة إلى أنها استاءت من سخرية الجمهور من فقدان طحالها من خلال الكوميكس.
وأضافت سمية الخشاب خلال لقائها في برنامج حبر سري، تقديم الإعلامية أسما إبراهيم، المذاع عبر قناة القاهرة والناس، ردًا على سؤال، استغليتي تصريحاتك عن الطحال وبقيتي نجمة سوشيال ميديا، قائلة: هما اللي استغلوا التصريحات عشان المصيبة اللي حصلت لي، وحاجة سخيفة أن الناس تطلع كوميك وتهزر أقول لهم إيه إن شاء الله تجربوا اللي أنا جربته لازم الناس تحترم مشاعر بعض ما ينفعش نهزر على كل حاجة ونقعد نطلع كوميك على حاجات تتعبنا كبشر.
وأضافت: الدنيا دوارة وكله سلف ودين في بعض الناس بيعملوا كوميك على مصايب ومشاكل ناس تانية بتتألم طيب يا رب يبقى عندهم اللي عندي، في ناس مستظرفين نفسهم وتافهين يخلوا مشاكل الناس مادة للسخرية هما سخفاء وجهلة.
واستكملت: بطلت اتوجع من كتر السخافات، فيه ناس بتقولي إزاي الطحال أنا ما عنديش طحال أصلا فاكرين إنها نكتة وناس تقول لي أخبار الطحال إيه يا فنانة.. ده السؤال المتداول ما بفتش أضايق، أنا متصالحة مع نفسي والحياة صحتي كويسة يمكن هو كان فيه مشكلة ومن ساعة لما شيلت طحالي بقى دمي خفيف واحلويت وبقيت فرفوشة.
