أنا معجبة بيك.. زوجة صبري عبد المنعم تمازحه على الهواء | فيديو
فاجأت سهير عبد المنعم، زوجها الفنان صبري عبد المنعم، على الهواء خلال اتصال هاتفي به في برنامج واحد من الناس للإعلامي عمرو الليثي، المذاع عبر فضائية الحياة، قائلة بمزح: أنا معجبة بيك يا أستاذ صبري.
ورد الفنان عليها ضاحكا: النمرة ديه وصلوا لها إزاي، إيه عرفك، فأجابت: هو أنا يخفى عليا حاجة؟، مضيفة: صبري صبر كتير على المرض، كفاية الأربع سنين اللي عاشهم في المرض، أنا بقوله المفروض يحطوك في موسوعة جينيس.
زوجة صبري عبد المنعم تروي تفاصيل اللقاء الأول
وأضافت: بعد ما بابا اتوفى، اتجوزت صبري، عرفته من خلال جاري ناصر، قالي في فنان أكيد تعرفيه، شافك نازلة قبل كدة على السلم، قلت له آه أنا أعرفه بس هو ميعرفنيش.
وتابعت: قلت له خلينا نتقابل، وهو يشوف إذا كنت أنا عجبته ولا لا، خدنا ميعاد وأخرت لبعد الساعة 12، ليرد الفنان: كنا بنعمل الجزء الثاني من رأفت الهجان، وكنت مع الأستاذ عمرو، واتأخرنا.
وعلق الإعلامي عمرو الليثي على الواقعة قائلا: أنا بعتذر لك على اللي حصل، هو فعلا يومها كان معايا، ولو أعرف إنه جاي لحضرتك كنت خلصت لك المشهد في خمس دقايق.
هل ترشحت زوجة صبري عبد المنعم لفيلم إمبراطورية ميم؟
وقالت زوجة الفنان ضاحكة: كنا وقتها في رمضان، وهو يقولي إن ناصر متربي معايا، أقوله هو فين، يقولي زمانه جاي، مشيرة إلى أن والدها الفنان عبد المنعم إبراهيم، رفض دخولها عالم الفن، بدور مع الفنانة فاتن حمامة في فيلم إمبراطورية ميم، قائلا لمن شرحها: ملكش دعوة بسهير، إلا سهير، وأنا معرفتش إلا بعدها، وبابا قال كنت دخلتي وإنت صغيرة مش دلوقتي.
