رانيا يوسف: إية المشكلة في ممثلة الإغراء دي مش شتيمة.. ومستعدة لـ مشاهد أكتر سخونة
تحدثت الفنانة رانيا يوسف، عن لقب ممثلة إغراء، موضحة أنه ليس وصمة عار أو إهانة للفنانة، مؤكدة أنها تقبل تقديم أدوار بها قبلات ومشاهد جريئة في السينما المصرية.
وقالت رانيا يوسف خلال لقائها مع الإعلامية إنجي أنور، في برنامجها مصر جديدة: أنا مش بقلق لما بعمل أدوار جريئة أو مثيرة، إحنا لازم نكون تخطينا طريقة التفكير دي، أنتي دلوقتي بتتعاملي مع منصات إلكترونية بتجيب كل حاجة، وخايفة تعملي أدوار جريئة ليه؟ عشان الناس مثلا؟
دا تمثيل وملوش دخل بحياة الفنان الشخصية.
وواصلت: وأنا مش بخاف أتحط في تصنيف ممثلة الإغراء، أصل أيه المشكلة في لقب ممثلة إغراء دي مش شتيمة، ومش وصمة عار، خايفين من الناس تحكم عليكم ليه، يحكموا عليا ليه أصلا ولو حد بيفكر بالطريقة دي في 2022 يبقى فيه خلل عندنا في التفكير.
معنديش خطوط حمرا في السينما
وأضافت رانيا يوسف: ولو حد عايز يتفرج على أفلام إباحية هيجبها على الموبايل، أنت مش مستنيني أجي أعملك مشهد إغراء، المشاهد لو عايز مشهد إغراء هيتفرج عليه في مليون حتة، أنا معنديش خطوط حمرا في السينما.
واختتمت رانيا يوسف، قائلة: أنا ممثلة بروفيشنال وممكن أعمل مشهد فيه قبلة أو ألبس بيكيني لو دا يستدعي وفي سياق العمل، وممكن أعمل مشهد أكتر من كدا كمان، وأنا ما دام وفقت على الفيلم يبقى وافقت على كل اللي في الفيلم، وبعرف أفرق أيه المشهد اللي مهم وأيه اللي مش مهم وبتناقش مع المخرج.
