حمو بيكا: أنا عايز أغير حياتي كلها مش اسمي بس المهم أكل عيش
عقب محمد أبو اليزيد، وكيل أول نقابة المهن الموسيقية، على ما تردد مؤخرًا حول وضع النقابة لشروط لعودة مطربي المهرجانات للنقابة مرة أخرى، قائلًا: الشروط الجديدة مسمعنهاش غير النهاردة، مفيش شروط عملناها في النقابة ولكن لا يصح أن نقوم بتسجيل عضوية مطرب اسمه حمو طيخة وعنبة وبلحة وشجرة الفواكه اللي بنشوفها دي.
هل ممكن تغير اسمك؟
ورد المطرب حسن شاكوش على تساؤل الإعلامي عمرو أديب، خلال مداخلة هاتفية ببرنامج الحكاية، المُذاع عبر فضائية mbc مصر، مساء اليوم الاثنين: لو اللجنة قالت مينفعش اسمك يكون شاكوش هل ممكن تغيره؟، ليرد شاكوش: أنا إسمي في كارنيه النقابة حسن منصور ولكن مش هقدر أجبر الناس في الشارع إنها متسمنيش (شاكوش)، متابعًا: "أنا وصلت لمرحلة مش محتاج أحط اسمي على أفيش.. صورتي لوحدها كفاية.
وقاطعه محمد أبو اليزيد، وكيل أول نقابة المهن الموسيقية: شاكوش كان ماضي إقرار على نفسه إنه هيغير اسمه خلال عرضه على لجنة القيد بنقابة المهن الموسيقية وحتى الآن لم يقم بتغيير الاسم في أفيشات الحفلات".
ومن جانبه قال مؤدي المهرجان حمو بيكا: "أنا عايز أغير حياتي كلها مش بس اسمي بس أكل عيش، أنا دلوقتي محمد محمود واسم الدلع حمو بيكا وأنا موافق إنهم يكتبوني بأي اسم النقابة تشوفه مناسب".
أما مصطفى عنبة فقال: أنا اسمي مصطفى سعيد والشهرة عنبة والاسم ده اكتسبته من أصدقائي لما كنت بلعب كورة معاهم في الشارع وفي جيوبي حبات عنب، وأنا مستعد أغيره بس أدخل النقابة وأغني.
