علاء مرسي: بوظت تاريخي في ليالي الحلمية بسبب كثرة مشاركتي بأفلام المقاولات
قال الفنان علاء مرسي، إن الله سيسأله عن موهبته وماذا فعل بها، طوال مشواره المهني والفني، وكيف استخدمها في أعماله الفنية، متمنيًا أن يسامحه على إهدارها.
وتابع علاء مرسي خلال تصريحات تليفزيونية: ربنا هياحسبنا على الصحة وعلى الفلوس عملت بيها إيه، والموهبة، ودلوقت أنا بقيت مسيطر عن الأول.
وأضاف علاء مرسي: بدايتي مكنتش كوميدي، كانت شخصية توفيق البدري في ليالي الحلمية، مع الأستاذ إسماعيل عبد الحافظ، والشخصية نجحت بشكل كبير، وكانت دي البداية، وقتها الأستاذ قالي خلي بالك من نفسك ومتمشيش ورا الكوميدي، وأنا مسمعتش كلامه.
وتابع علاء مرسي: بعد ليالي الحلمية عملت مسرحية، وكان الجيل بتاعي أشرف عبد الباقي وهنيدي وعلاء ولي الدين، وكنت في وسطيهم، واتحسبت كوميديان وقتها، واكتشفت إن إدارة ده كانت صعبة وكان لازم أسمع كلام أستاذ إسماعيل.
اتجاه علاء مرسي لـ أفلام المقاولات
واستكمل النجم علاء مرسي: أنا بوظت كل اللي المخرجين عملوه ده، واتجهت لأفلام المقاولات وقعدت أشتغل فيها، مش عشان الفلوس، فكرة أني عايز أكون موجود، وكنت فاهم غلط، وعشان كده بقول للشباب اللي طالعين، متتغرش بالحالة.
واختتم الفنان علاء مرسي: في النهاية أحب أحمل نفسي الأخطاء والمخرجين أصبح تقييمهم مزاجي، ومافيش حاجة اسمها الدور بينادي صاحبه، وأنا اللي أستطيع أعمله أو معملوش، أعتقد أن الجمهور قاعد على سفرة اللي بيتحط له بياكله.
