والدة شاب قُتل على يد جاره بالدقهلية لتبوله في البرسيم.. ضهري انكسر كان وحيد وعنده طفلة عمرها 9 شهور
سادت حالة من الحزن بقرية ديسط التابعة لمركز طلخا في محافظة الدقهلية، بعد مقتل شاب علي يد جاره بسب عتابه بعد تبوله علي البرسيم.
أسرة الشاب الذي قُتل علي يد جاره بقرية ديسط تروي التفاصيل
وقدم القاهرة 24 بثًا مباشرًا من داخل منزل محمد المجني عليه، والتقي بأسرته لتروي تفاصيل الواقعة قائلة: ابني كان مستأجر أرض زراعية بجوار منزل المتهم، وقبل الواقعة بيوم نشبت مشاجرة بينهما لتبول المتهم في البرسيم، وقام المتهم بالاعتداء عليه بالضرب، ولكن الموضوع انتهي بمجرد عودته إلي المنزل.
وأضافت باكية: ولكن يوم الواقعة أثناء ذهاب ابني إلي أرضه، حاول المتهم استفزازه بكل الطرق، ولكن لم يرد عليه فتفاجأ محمد أن المتهم أخرج سلاح أبيض، وقام بطعنة عدة طعنات، وذهب إلي المركز حتي يحرر محضرا ضد ابني بعد ما قتله، ولكن كانت قد وردت إشارة من المستشفى بوفاة محمد واحتجاز المتهم.
وتابعت: ابني كان وحيد ومتزوج منذ سنةً ونصف، وعنده طفلة عمرها 9 شهور بس وكان بار بوالديه، حرق قلبي عليه ربنا يرحمه ويغفر له ويسكنه فسيح جناته.
تفاصيل الواقعة
واسكملت: روحت شوفت ابني في التلاجة لقيت دمه سايح في الأرض وفي كل مكان، اتحرمت من ابني بدري وموته كسر ضهرنا، عاوزة حقه عشان النار اللي في قلبي تهدى، ده أنا كنت بخاف عليه من الهوا الطاير ألاقيه مضروب بمطواة ومحدش عرف يلحقوا ويحوش عنه.
وأضافت زوجة محمد المجني عليه: عايزة حق زوجي، جالي يوم المشاجرة وقولت له يا محمد الموضوع خلص علشان خاطر بنتك، قلي والله هو الموضوع مش مستاهل، ونزل لعمله تاني يوم، ولكن رجع وهو في الكفن، أنا جوزي راح مني وسابلي عيل صغير، أنا عاوزة اللي عمل فيه كده يتعدم ويموت زي ما موت جوزي.
