بعد مصرعه على يد جاره لتبوله في البرسيم .. والدته: اتحرمت من ابني بدري ولسه متهناش| فيديو
حالة من الحزن شهدتها قرية ديسط التابعة لمركز طلخا في محافظة الدقهلية، بعد مقتل شاب يدعى محمد ويبلغ من العمر 23 عامًا على يد جاره، بسبب عتابه له لتبوله في البرسيم بالأرض الخاصة به.
بسبب تبوله في البرسيم
وقالت والدة الشاب محمد الضحية في بث مباشر عبر القاهرة 24، أن ابنها كان متواجودا في قطعة الأرض الخاصة بهم، وأقبل أحد جيرانهم على التبول بها، ولكن ابنها رفض تبوله في الأرض، ووقعت مشاجرة كبيرة بينهما.
وأضافت والدة الشاب وهي في حالة حزن شديد، إنه بعد حدوث المشاجرة خرج جاره عليه واستل سلاحا أبيضا مطواة وأنهى حياته، قائلة: روحت شوفت ابني في التلاجة لقيت دمه سايح في الأرض وفي كل مكان، اتحرمت من ابني بدري وموته كسر ضهرنا، عاوزة حقه عشان النار اللي في قلبي تهدى، ده أنا كنت بخاف عليه من الهوا الطاير ألاقيه مضروب بمطواة.
وأشارت إلى أن ابنها تزوج منذ فترة قليلة، ولكنه مات وترك خلفه طفلًا رضيعًا يبلغ من العمر 6 أشهر فقط، وقالت: ولدي وعمري راح، عايزة أشوف حقه خلصان من اللي عمل فيه كده، ابني راح مني في ثانية ضربوا بالمطواة وخلص عليه ومحدش عرف يلحقوا ويحوش عنه.
حديث زوجة الشاب الضحية
وفي نفس السياق قالت زوجة الشاب محمد: أبوس إيديكم هاتولي حق جوزي، أنا جوزي راح مني وسابلي عيل صغير، أنا عاوزة اللي عمل فيه كده يتعدم ويموت زي ما موت جوزي.
