نوال الزغبي: بنتي من حقها تختار تعيش معايا ولا مع والدها.. وشائعة الحمل بتؤام أعمى آذتني
تحدثت الفنانة نوال الزغبي، عن حق ابنتها في اتخاذ قراراتها، مشيرة إلى أنها أم متفهمة وحنونة، بجانب الحديث عن الشائعة التي انتشرت على مواقع التواصل الاجتماعي حول حمل نوال الزغبي بتؤام فاقد للبصر.
وقالت نوال الزغبي خلال لقائها مع الإعلامية أسما إبراهيم في برنامج حبر سري المذاع عبر شاشة القاهرة والناس: بنتي عايشة بيني وبين والدها، وهي بقت كبيرة خلاص ومش بأثر عليها أو أجبرها على حاجة، وبقت 18 سنة وبتختار عايزة تعمل أيه وهي اللي بتختار تقعد مع مين.
وواصلت: وممكن تقعد يوم عندي ويوم مع والدها مفيش مشكلة، وأنا أم حنونة وبهتم جدا بأولادي لدرجة أنهم بينزعجوا من كتر ما بهتم بيهم، وبقعد معاهم ونتفرج على فيلم ونتكلم وأعملهم أكل بنفسي وبنتي مش مهتمة بالغناء والتمثيل وبتحب الموضة جدا.
متعتي أكون أم
وأضافت نوال الزغبي: أنا متعتي اني أكون أم وأخد بالي من الأولاد وهي مسئولية كبيرة بس أنا اللي اخترت المسئولية دي، ولم تأخذ مني أي حاجة ومضيعتش عليا فرص بالعكس، وانتي لما بتحبي حاجة بتحسي أن عمرها ما هتتأثر بالسلب في حياتك، وأنا مش مستنية أي رد جميل من أي حد.
شائعة الحمل بتؤام فاقد للبصر
وكشفت نوال الزغبي عن أكتر شائعة سببت لها أذى نفسي، وهي شائعة الحمل بتؤام فاقد للبصر، موضحة أن من يطلق هذه الشائعات مريض نفسي من الدرجة الأولى.
