عايشة بمعاش النقابة وبعنا أملاكنا على علاجه.. أبرز تصريحات أرملة يونس شلبي مع شريف عامر
حلت أرملة يونس شلبي وابنتها في ضيافة برنامج يحدث في مصر، الذي يقدمه الإعلامي شريف عامر، وكشفت خلال لقائها تفاصيل زواجها، ومرحلة علاج الفنان الراحل يونس شلبي وحقيقة بيع أملاكه.
ونستعرض لكم في هذا التقرير أبرز تصريحات أرملة يونس شلبي وابنته في برنامج يحدث في مصر:
-اتعرفت على يونس عن طريق ابن عمي وهو متجوز أخت يونس الكبيرة.
- يونس كان عنده 45 سنة وأنا كان عندي 20 سنة فرق السن بينا مخوفتنيش.
-أسرتي وأسرته مرتبطين جدًا ببعض.
-يونس كان إنسان طيب وبنات الريف بيحبوا الحنين.
-أول ما تذاعت مسرحية مدرسة المشاغبين كنت بحب اتفرج عليها عشان كان بيضحكني.
-المرض كان أصعب حاجة، لأن كان ولادنا صغيرين وكانت بنتي الكبيرة في ثانوي.
-بعت كل أملاك يونس علشان مصاريف علاجه كانت كتير أوي.
-في ناس ما زالوا بيسألوا عن يونس، وفيه ناس بتحسبه لسه عايش.
-كان دايما يسأل على زمايله قبل رحيله.
-يونس شلبي غير منسي وما زالت بحس بوجوده.
-أنا عايشة بمعاش النقابة، وكفاية طبطبة ربنا علينا.
أبرز تصريحات ابنته يونس شلبي:
-شرف لي أن أكون ابنة الفنان يونس شلبي وبيقولولي ضحكتي شبه ضحكته.
- بابا قبل ما يتوفى اشتغل في عمل مع سمير غانم وكنت أول مرة أشوف سمير غانم وحبيته أوي.
-الكلام اللي بيتذكر على لساني إني مستاءة من عدم تكريم والدي، غير حقيقي وغير صحيح.
- أصحابي كانوا بيحبوا بابا أوي، وكانوا بيقولولي باباكي عمل مسرحية كذا أو مسلسل كذا.
