شمتان فيا.. حمو بيكا يكشف حقيقة خلافه مع عمر كمال
كشف مطرب المهرجانات الشعبية حمو بيكا، حقيقة خلافه مع مؤدي المهرجانات عمر كمال، بعدما ظهر بيكا أمس الخميس وهو يهاجم عمر كمال في بث مباشر عبر حسابه الرسمي على موقع التواصل الاجتماعي انستجرام.
وقال حمو بيكا عبر مداخلة هاتفية في برنامج كلام الناس، مع الإعلامية ياسمين عز، المذاع عبر شاشة MBC مصر: عمر كمال شمتان فيا، عشان هو بقى يغني وأنا لا، وهو مش أول مرة يعمل معايا كده، وأنا خلاص مسحت كل حاجة نزلتها إمبارح؛ لأني كنت عايز أوصل رسالة لعمر كمال وهيّ وصلت خلاص.
وواصل بيكا: أنا مش هقبل من عمر كمال أي اعتذار ولا أسف، والدنيا مش سايبة وهتدور، لأنها زي الموجة شوية تحت وشوية فوق، وأنا معايا ربنا.
حمو بيكا يهاجم عمر كمال
وفي سياق متصل ظهر حمو بيكا أمس عبر بث مباشر على حسابه الرسمي، على موقع تبادل الصور والفيديوهات انستجرام، مهاجما عمر كمال، ووجه له انتقادات لاذعة، قائلا: أنت بقيت تشوف نفسك عليا وعلى الناس، وأنا مش الناس لأني اللي عملتك يعني ربنا ثم أنا، ووريني هتنجح إزاي ووريني مهاراتك ومتخليش حد ينجحك وأنجح لوحدك، يا صاحب يا مزيف.
آخر أعمال حمو بيكا
والجدير بالذكر أن حمو بيكا طرح آخر أعماله وهو مهرجان شعبي يحمل اسم رعشة، بالتعاون مع مودي أمين وكسر المهرجان حاجز الـ 100 ألف مشاهدة، منذ طرحها على موقع الفيديوهات يوتيوب.
