نوال الزغبي: اللي يغير من نجاح مراته مش راجل.. ومش بسامح في الخيانة
تحدثت الفنانة نوال الزغبي، عن فارس أحلامها، بجانب الحديث عن سبب غيرة الرجل من نجاح زوجته، مشيرة إلى أنهم ليسوا رجال بل أشباه رجال.
وقالت نوال الزغبي خلال لقائها مع الإعلامية أسما إبراهيم، في برنامج حبر سري المذاع عبر شاشة القاهرة والناس: لما الراجل يتعرف عليكي ويبوس أيدك بيكون بينتف نفسه ومش راجل ذوق خالص ولا حاجة، والراجل العادي هو الحلو اللي يكون أنتي اللي عايزة تكتشفيه واللي مش بيوريكي، واللي مش بيمثل عليكي؛ لأن كل الحركات دي بتكون تمثيل.
وواصلت نوال: أنا لما بتخان بمشي ومش بتناقش في الخيانة أو أسامح؛ لأن اللي بيخون مرة بيخون مرتين، ولما بدخل أي علاقة بعرف من ثالث مقابلة أنت راجل ولا لا، ودا بيجي من الخبرة.
اللي بيغير من مراته مش راجل
وأضافت نوال الزغبي: الراجل اللي مش بيحب نجاح الست اللي معاه مش راجل، والراجل هو اللي واثق بنفسه واللي بيغير من مراته بيكون مش راجل؛ لأن معندهوش ثقة في نفسه واللي معندهوش ثقة في نفسه مش بشوفه راجل، وأنا شوفت دا كتير وفي الأخر بتعب وبنسحب من العلاقات اللي زي دي.
آخر أعمال نوال الزغبي
جدير بالذكر، تصدرت نوال الزغبي تريند مواقع التواصل الاجتماعي، بعدما طرحت أغنية تحمل اسم عليه ابتسامة، من تأليف محمد القاسمي، وألحان أدهم، ونالت الأغنية إعجاب الجمهور، حيث تخطت حاجز ال مليون مشاهدة منذ طرحها على موقع الفيديوهات يوتيوب.
