تزامنا مع أزمة أصحاب ولا أعز.. هدى المفتي: الممثل بقى متحجم وبقينا حابين نشوف السطحية
عبّرت الفنانة هدى المفتي عن حالة الجدل المنتشرة على مواقع التواصل الاجتماعي، بعد عرض فيلم أصحاب ولا أعز؛ الأيام الماضية على منصة نتفليكس.
وكتبت هدى المفتي عبر خاصية استوري حسابها الشخصي بموقع الصور والفيديوهات القصيرة إنستجرام: عندي فكرة فيلم واقعية وطازة عن بنت، اثنين كلاب ركبوا لها صور وهددوها ف خافت وانتحرت، تحفة مش كدة.
وتابعت هدى المفتي: إحنا بنرجع لورا وخايفين نشوف الحقيقة والمشاكل اللي بتتقدم بقت سطحية، بقينا نركز الممثل لابس إيه، وسايبين المحتوي اللي هو أهم من أي حاجة، بقى في نوع من الازدواجية والغل في نقد المحتويات اللي بتتقدم.
وواصلت هدى المفتي: حابين نشوف السطحية والتفاهة، ونطلع جيل في قشرة طين على مخه، والفكرة إن الناس ناسية أفلام الأبيض وأسود، وناسية أفلام تانية كتير كان المحتوي اللي فيها ساخر، وأكثر جرأة وكان يكشف جزءًا كبيرا بيتكلم عننا وبيلمسنا، عشان كدة بنقول مفيش زي أفلام زمان.
واستكملت هدى المفتي: ده علشان الممثل بقى متحجم يقدم حاجة مختلفة، والكاتب بقي عامل ألف حساب، أنا مش ضد النقد البناء الذي يرفض فكرة بمنتهى الاحترام، ولكن ضد الغل والازدواجية الذكورية اللي بتشوه النفوس قبل ما تشوه الأفكار.
فيلم أصحاب ولا أعز :
وفيلم أصحاب ولا أعز، هو النسخة العربية للفيلم الإيطالي perfect strangers، ويضم الفيلم العديد من الفنانين أبرزهم: منى زكي، إياد نصار، عادل كرم، نادين لبكي، دايموند عبود، جورج خباز، ومن إخراج وسام سمير.
