أتمنى تجسيد دور صعيدي.. أبرز تصريحات حسن مالك مع القاهرة 24
تحدث الفنان الصاعد حسن مالك، في لقائه مع القاهرة 24، عن تفاصيل مشاركته بمسلسل بيمبو، بالإضافة إلى بداية مشواره الفني، وأيضًا لمحات من حياته الشخصية وعلاقته بشقيقه الأكبر أحمد مالك.
أبرز تصريحات حسن مالك مع القاهرة 24
-أعجبت بدور الفنان محمد لطفي في بيمبو والذي ظهر بشخصية كاش رئيس العصابة وكنت أتمنى تقديمه.
- لا أتضايق من الانتقاد إذا كان بسبب أدائي ولكن يوجد انتقاد وهجوم بلا هدف.
- ألعاب الكمبيوتر هي العامل المشترك بيني وبين شخصية شادي في بيمبو.
- مش بتضايق لما يسألوا أنا دخلت بالواسطة ولا لا ولكن اللي بيضايقني؛ هو إن حد يسأل ويجاوب على نفسه ويقول إني دخلت بالواسطة من غير ما يعرف الحقيقة.
- دخلت لعبة النسيان بالصدفة لما مخرج المسلسل هاني خليفة شاف ليا فيديو تيك توك وأنا بعمل إعلان لمنتج ما وكلمني عشان أروح أعمل أوديشن.
- كنت شايف إن فكرة المسلسل غير المألوفة، وأغاني التسعينات اللي كانت تظهر في خلفية معظم المشاهد كلها حاجات جديدة زودت للمسلسل وكنت عارف إن الناس لما تشوفه وتفهمه هيحبوه.
- نفسي أمثل من زمان والأمر مكنش صدفة وكنت باخد ورش تمثيل كتير وكنت متحمس جدا لفكرة إني أمثل.
- بدرس إعلام لأنها أقرب مجال للتمثيل في الجامعة اللي بدرس فيها ولكن أكتر حاجة بحبها هي التمثيل.
- نفسي أمثل دور صعيدي عشان دور صعب ومختلف وخصوصا تعلم اللغة الصعيدية.
- بعد مشاركتي في 5 مسلسلات أتمنى أن أخوض أولى تجاربي السينمائية.
- أنا رياضي وبحب الحركة وحاليا بحب الرياضات اللي بستخدم فيها المضارب.
