بسبب يوسف إدريس.. يحيي الفخراني يكشف عن سبب تقديمة لفوازير المناسبات
تحدث الطبيب والفنان القدير يحيي الفخراني، عن موقف مر به مع الكاتب يوسف إدريس، مشيرا إلى أنه سبب تقديمه للفوازير، بجانب الحديث عن مسلسل لما التعلب فات.
وقال الفخراني خلال لقائه مع الممثلة والإعلامية إسعاد يونس في برنامجها صاحبة السعادة عبر شاشة DMC: أنا قابلت يوسف إدريس الله يرحمه وقالي أنا معجب بيك وأنت الفنان الوحيد بتاعنا، وأنا استغربت جدا من كلمة بتاعنا دي، وفهمت أنه قصده بتاع المثقفين، وأنا ليلتها منمتش أصل مفيش حاجة اسمها فنان للمثقفين وبقيت هتجنن.
وواصل: وأنا فعلا ساعتها عملت حاجات خاصة شوية ودا اللي خلاه يقولي كدا، وقررت أعمل بعد الكلمة دي دور البهلوان والفوازير ولما حضر قولتله دا أثر الكلمة اللي قولتهالي، بس مكنتش عايز رقص وغناء في الفواير، وصفوت الشريف قالي معلش هنعمل 5 دقايق فقط، وكانت تجربة لطيفة ونجحت جدا.
فوازير المناسبات ليحيي الفخراني
وفي سياق متصل، قدم يحيي الفخراني فوازير المناسبات، من إخراج فهمي عبد الحميد، وتأليف يوسف عوف، وشارك في الفوازير عدد كبير من الفنانين، من بينهم صابرين، يحيي الفخراني، رجاء الجداوي، هالة فؤاد، وحسين الشربيني.
آخر أعمال يحيي الفخراني
الجدير بالذكر، أن يحيي الفخراني شارك في آخر أعماله، وهي مسرحية تحمل اسم ياما في الجراب يا حاوي، من إخراج مجدي الهواري، وتأليف بيرم التونسي، وضمت المسرحية العديد من النجوم، من بينهم إياد نصار، محمد الشرنوبي، سماء إبراهيم، كارمن سليمان، وشريف دسوقي.
