اقترحت إعادة تمثيلها.. يحيى الفخراني يكشف سبب تغيير اسم ليلة من ألف ليلة
كشف الفنان يحيى الفخراني، عن سبب تغيير اسم مسرحية ليلة من ألف ليلة إلى ياما في الجراب يا حاوي، مؤكدا أنه حافظ على النص الأصلي للمسرحية.
وقال يحيى الفخراني خلال لقائه مع الفنانة والإعلامية إسعاد يونس في برنامجها صاحبة السعادة عبر شاشة DMC: مجدي الهواري كان جايب نص لمسرحية بس معجبنيش، واقترحت عليه نعيد تمثيل مسرحية ليلة من ألف ليلة ووافق، مسرحية ليلة من ألف ليلة بقى أسمها ياما في الجراب يا حاوي لأن المخرج مجدي الهواري جدد في المسرحية وعمل استعراضات أكتر.
وواصل: بالرغم من أني كنت عايز النص والمزيكا يكونوا زي ما هما، وعشان كدا غيرنا الاسم فقط للتجديد، لكن النص فضل زي ما هو، والمسرحية أتصرف عليها كويس جدا وخلينا الديكور والموسيقى أجدد ومناسبة للعصر الحالي.
واختتم يحيى الفخراني حديثه، قائلا: لما عملنا المسرحية أول مرة عام 1994 كان فيه ديكور وملابس فخمة ولكن كانت مش مصرية وفيها جزء أجنبي، وعملناها تاني في المسرح القومي زي ما هي بالظبط مع الفنان محمد محسن وهبة مجدي وهنا حبوا بعض وارتبطوا ويارب يفضلوا يدعولي.
مسرحية ياما في الجراب يا حاوي
الجدير بالذكر، مسرحية ياما في الجراب يا حاوي، من تأليف بيرم التونسي، وإخراج مجدي الهواري، وشارك في المسرحية عدد كبير من النجوم، من بينهم إياد نصار، شريف الدسوقي، كارمن سليمان، ومحمد الشرنوبي.
