عبد الباسط حمودة: لو عرضوا عليا تدريب حمو بيكا هوافق وأخلي الناس تقول بيغني من 30 سنة | فيديو
قال المطرب عبد الباسط حمودة، إنه يرحب بتدريب مؤدي المهرجانات الشعبية حمو بيكا وتعليمه أساسيات الطرب لاجتيازه على اختبارات نقابة المهن الموسيقية وحصوله على كارنيه رسمي من النقابة.
وأضاف عبد الباسط حمودة في تصريح خاص لـ القاهرة 24: معنديش مانع أقوم بتدريب حمو بيكا واتعب معاه، ولو عرضوا عليا تدريب هوافق علشان ده ابني وأخلي الناس تقول بيغني من 30 سنة ويغني وهو مرتاح، بس هو فين حموبيكا ربنا يوفق الجميع وربنا يصلح للأصلح.. وحسن شاكوش وعمر كمال دول ولادى وبيحبونى وبيسألوا عليا دائما.
وعلى جانب آخر، وجّه حمو بيكا، رسالة لنقيب المهن الموسيقية والفنان هاني شاكر، متمنيًا الرجوع لغناء المهرجانات الشعبية مرة أخرى، بعد سقوطه في اختبارات النقابة
وقال حمو بيكا، عبر مداخلة هاتفية في برنامج كلام الناس، مع الإعلامية ياسمين عز المذاع عبر شاشة MBC مصر: أنا نفسي أشتغل يغيروا اسمي بقى ولا يعملوا اللي عايزينه براحتهم، أنا فيه ناس فاتحة بيوت من ورا مني، أنا لو لوحدي مش هيفرق معايا إنما أنا اللي يهمني الناس اللي معايا.
وأضاف بيكا: أنا فاتح 3 مطاعم وكافيه ومشغل ناس تاني برضه، وأنا مصدر رزق للناس دي والمطاعم مكسبتش منها حاجة وبطلع المرتب من جيبي للموظفين.
رفض نقابة المهن الموسيقية تأدية حمو بيكا للامتحان
وواصل حمو بيكا: كل مطربين المهرجانات الشعبية أخدوا تصريح من نقابة المهن الموسيقية وكارنيه، ومفيش غيري ممنوع من الغناء لحد دلوقتي، وكان المفروض الامتحان بتاعي مع نقابة المهن الموسيقية اللجنة اللي فاتت، وروحت ورفضوا يدخلوني عشان أمتحن.
