منال سلامة: حياتي مش بمبي وأنا في المستشفى لوحدي مع ابني.. وجوزي بيصور مسلسل
كشفت الفنانة منال سلامة لأول مرة الصعوبات والأزمات التي تواجهها في حياتها، وعن مهنة التمثيل، مشيرة إلى أن حياة الفنانين مليئة بالصعوبات وأن مهنة التمثيل قاسية.
ونشرت منال سلامة صورة لنجلها من المستشفى بعد إجرائه عملية جراحية، وذلك عبر حسابها الرسمي على موقع تبادل الصور والفيديوهات انستجرام، وعلقت قائلة: ده علي ابني لسه خارج من العمليات الحمد لله ادعوله ربنا يشفيه، وأنا عمري ما نشرت أي خبر وحش عني أو عن أسرتي، ودائما بنحط الصورة الحلوة فقط.
وواصلت: أنا بقول الكلام ده عشان الناس فاكرة الحياة بمبي طول الوقت وده مش حقيقي، يعني أنا دلوقتي في المستشفى مع ابني لوحدي عشان جوزي بيصور مسلسل نقل عام اللي بيتعرض على الهواء.
واختتمت منال سلامة حديثها مؤكدة صعوبة مهنة التمثيل، قائلة: شغلنتنا مفيهاش رحمة ودي مش أول مرة أتعرض للموقف ده علشان إحنا بنشتغل شغلانة دون قلب والناس فاكره أن حياتنا من غير متاعب.. الحمد لله ربنا يتم شفاه على خير.
مسلسل نقل عام
وفي سياق متصل، يعرض حاليا مسلسل نقل عام، وهو من إخراج عادل أديب، وتأليف وليد خيري، ويشارك في المسلسل العديد من الفنانين، من بينهم محمود حميدة، محمد محمود عبد العزيز، هاجر الشرنوبي، دينا، هايدي رفعت، سوسن بدر، محسن محيي الدين، سميحة أيوب، ريم البارودي، ونور خالد النبوي.
