عبد الباسط حمودة: هاخلي حمو بيكا يغني زي إسماعيل ياسين والناس هاتقول إنه أتغير
وجه الفنان عبد الباسط حمودة، كلمة لمؤدي المهرجانات حمو بيكا، مؤكدًا أنه يمتلك خامة صوت جيدة ومختلفة، ويمكن بالتدريب أن يصبح محترفًا.
وقال عبد الباسط حمودة خلال مداخلته مع الإعلامية إنجي أنور، ببرنامج مصر جديدة، خلال استضافة حمو بيكا ضيفًا بالحلقة: حمو بيكا ابني وحبيبي وهو إنسان طيب ولو يديني نفسه شهر أنا هاخليه يعرف يغني إزاي، وهاعلمه زي ما أنا اتعلمت وهاعلمه إزاي يغني وإزي يجيب الطبقة الصح.
واستكمل عبد الباسط حمودة: ودا لأنه عنده طموح وعايز ياكل عيش، وأنا علمت ناس كتير منهم شيبة وطارق الشيخ ومحمود الليثي وأنا علمت نيكول سابا ودنيا سمير غانم في أماكنهم، وأنا بحب حمو أوي ولما باجي اتصل بيه بلاقي تليفونه مقفول ومبعرفش أوصله.
عبد الباسط حمودة وحمو بيكا
كما تابع عبد الباسط حمودة: وهاخليه بيغني أكنه بيغني بقاله 30 سنة بس هو يديني ودنه لأن هو بعيد، وأنا بحبه، وأنا هاخليه مطرب زي سيد الملاح وإسماعيل ياسين، وخامة صوته كويسة، وزي شعبان عبد الرحيم، وزعلت لما حمو بيكا غير اسمه.
وأضاف حمو بيكا عن نقيب المهن الموسيقية: هاني شاكر راجل محترم وراجل كويس ومش بيحوش حد، وعبد الباسط حمودة هايخلي حمو بيكا يغني، وأقسم بالله لأخليه يغني، والناس تقول حمو بيكا اتغير، وأنا مش شايف فيه مطربين شعبيين دلوقت، وحكيم في حتة وإحنا في حتة، وبهاء دا أسطورة، وكان بيلف ورايا عشان يسمع أغنية هدر، وربنا يقدرني ونقعد في البيت عندي وهاخليه يدوس وهاخليكم تسمعوا حمو بيكا وهو بيغني.
