كانوا هيموتوني.. النيابة تطلب التحريات حول واقعة التحرش بفتاتين في السلام
تجري النيابة العامة بالسلام، التحقيق في واقعة تحرش شابين بفتاتين، وتعريض حياتهما للخطر، باستخدام سيارة بمنطقة السلام.
وأمرت النيابة العامة، بسرعة تحريات الأجهزة الأمنية حول الواقعة، للوقوف على ملابساتها ومعرفة تفاصيلها، وكشف هوية المتهمين وضبط وإحضارهما. وطلبت النيابة، الاستماع لأقوال الفتاتين؛ لمعرفة التفاصيل الكاملة حول الواقعة.
تحرش شابين بفتاتين
كانت إحدى الفتيات، قد نشرت عبر صفحتها فيس بوك، قالت فيه: صباح الخير يا جماعه.. امبارح كنت عند جنينة السادات ف مدينه السلام، وتفاجأت بعربية وفيها شابين وكانوا عاملين يكسروا عليا، وأكثر من مرة كنت هعمل حادثة، بسبب الاستهتار بتاعهم، والعربية كانت هتتقلب بيا.. كنت أنا وصاحبتي.
وأضافت: لما شافوا صاحبتي بتصورهم؛ بدأوا يستظرفو أكثر، ومكفهمش أنهم من عند جنينة السادات لحد دخلة إسكندرية بيكسروا عليا، ويقفوا قدامي، وكانوا هيدخلوني في الرصيف، وكنت هخبط في كذا عربية.. راحوا لفولي من عند ملف العبد، ودخلولي الشارع الجديد اللي بيوصل لاسبيكو، وأنا في عربيتي يعني مش ماشية في الشارع ولا لابسه ضيق ولا لابسة حاجة عريانة؛ عشان يحصل معايا كدة.. ليه قلة الأدب دي، وليه يرخموا عليا لحد ما أموت.. كانوا كده هيبقوا مبسوطين وجامدين يعني، ومافيش منهم؛ هو ليه الشباب ما بتحرمش من قضايا التحرش والقتل اللي بيحصل بسبب قلة أدبهم.. أنا عايزه حقي عشان مش هسكت لحد ما واحد متخلف يموتني، وأنا على الطريق لمجرد أنه يبان روش وجامد، وما فيش منو.. يا ريت تساعدوني أفضحهم عشان ميكرروهاش مع غيري.
