ابنة اللواء الراحل عبد السلام المحجوب: لم نكن نعلم شيئًا عن عمل والدي بالمخابرات
قالت إيمان عبدالسلام المحجوب، ابنه اللواء الراحل عبد السلام المحجوب، إن والدها كان متواضعًا وطيبًا وحنونًا ومثل أعلى لها، مضيفة: "عمري ما شفته زعل حد أو ضايق حد منه، كان بيحب مصر من قلبه وبيسعى في خدمة كل الناس وكان قريب جدًا من ربنا ومتدين ومعتدل في كل أمور حياته".
لم نكن نعلم شيئًا عن عمل والدي بالمخابرات المصرية
وأضافت "إيمان" في مداخلة هاتفية مع الإعلامي شريف عامر، ببرنامج "يحدث في مصر" على فضائية "إم بي سي مصر" اليوم الثلاثاء: "لم نكن نعلم شيئًا عن عمل والدي بالمخابرات المصرية"، متابعة: "كان بيسافر ويروح ويجي ومبنعرفش حاجة عن شغله غير إنه كان بيقولنا أنا بحب مصر، وعرفنا من الدراما أنه الريس زكريا في جمعة الشوان في مسلسل دموع في عيون وقحة، وعرفنا من صحابه مش منه كمان لأنه مش ممكن كان يحكي حاجة".
كان راجل كتوم جدًا ومستحيل يحكي حاجه عن شغله
وتابعت ابنه اللواء الراحل عبد السلام المحجوب: "والدتي كانت بمثابة الأب في حياتنا لظروف عمل والدي، بس لما كان بيبقى موجود مكنش بيسيبنا"، مضيفة: "كان راجل كتوم جدًا ومستحيل يحكي حاجه عن شغله، وأب مثالي يقعد مع ولاده يتكلم في الحاجات العامة ولما كان بيسافر وبيجي منعرفش كان مسافر فين".
