غادة إبراهيم: صحابي في المدرسة بقوا عواجيز وأنا لسه صغيرة عشان جوايا حلو
صرحت الفنانة غادة إبراهيم، بأنها ليس لديها مانع أن تتزوج من شخص أصغر منها في العمر، مؤكدة أنها لا تنظر للسن مطلقًا، فالعمر بالنسبة لها مجرد رقم.
وأضافت غادة إبراهيم خلال لقائها في برنامج ونقول كمان، المذاع عبر قناة النهار: لو جالي واحد صغير وأصيل هاخده عادي، أنا عمري ما اعترفت بالسن مفيش حاجة اسمها واحدة صغيرة وواحدة كبيرة السن بيتحدد قد إيه الست جواها حلو، وقد إيه بتشع نضارة، لأن الجمال الداخلي يطلع بره.
لما بشوف صحابي بقول يا نهار أسود
وتابعت: صحابي اللي كانوا معايا في المدرسة لما بشوفهم بقول يا نهار أسود، بقول لهم محدش يقول كنت معاكي في المدرسة شكلهم عواجيز وأنا شكلي صغير عشان جوايا حلو الحمد لله أحمدك يا رب كده، وأنا وأختي كده مش بيبان علينا السن كل سنة تحسينا بنصغر.
حاربت العالم عشان اتجوز واتخانت
في سياق آخر، صرحت غادة إبراهيم بأنها حاربت العالم لكي تتزوج من طليقها، رغم رفض والدتها وعدم حضورها عقد قرانها، مشيرة إلى أن رغم حبها الشديد له إلا أنه خانها بعد زواج دام لـ 5 سنوات، وكان سببًا في ابتعادها عن الفن وحاربها في التمثيل.
العلاقات الإنسانية والاحترام أهم من الحب
وأكدت أن العلاقات الإنسانية والمشاعر أهم من الحب والاحترام، مستعينة بمثل سوري يقول: خدي الأصيل ولو على الحصير.
