أبو جبل يكشف نصيحة محمد صلاح قبل تسديد ماني لركلة جزاء
تحدث محمد أبو جبل حارس مرمى منتخب مصر ونادي الزمالك، عن نصيحة محمد صلاح المحترف في صفوف ليفربول الإنجليزي، عندما حصل منتخب السنغال على ركلة جزاء.
وقال أبو جبل في تصريحات تلفزيونية: معانا صلاح واحد من أفضل اللاعيبة في العالم بيدينا كل حاجة في الملعب، كنا بنحاول نتعلم منه ومن خبراته وبنحاول نستفاد منه على قد ما نقدر، متابعا: سمعت طرقعة إصابتي وأنا في الملعب أثناء مواجهة المغرب، وإصابتي ليست حملا تدريبا.
أبو جبل يكشف نصيحة محمد صلاح
وعن نصيحة محمد صلاح قبل تسديد ركلة الجزاء: جه قالي ساديو ماني هيشوط يمين وقولتله إني مذاكره وعارف إنه هيشوط يمين، وقالي عارف إنه هيجي ورايا دلوقت، وجه فعلا وقالي هشوط على شمالك، وشاطها يمين في المكان اللي صلاح قالي عليه.
وأضاف حارس منتخب مصر: طريقة ذكية من صلاح احنا حاولنا نشتت ماني، أنه جه حاول يفقد الثقة لماني والحمدلله إني قدرت اصدها.
وتابع: تصديت لـ 4 ضربات جزاء في البطولة، بسبب القلب وكابتن الحضري اللي بيدربنا على كل حاجة وكل زمايلي بيشوطوا عليا، وكنت أحاول أقرا الأفكار المختلفة، مردفا: البلنتي الصحيح إن اللاعب يحطها في أبعد زاوية عن الحارس، ولو حطها وأنا صدتها يبقى هو محطاش في المكان المناسب، بس واضح إن لاعيبة السنغال كانوا مذاكرينا كويس في ضربات جزاء.
