رسالة مؤثرة للاعبين.. أبو جبل يوضح كواليس حديثه في غرفة ملابس المنتخب بعد خسارة النهائي
كشف محمد أبو جبل حارس مرمى منتخب مصر ونادي الزمالك، كواليس أوضة لبس المنتخب الوطني بعد خسارة المباراة النهائية لبطولة كأس الأمم الإفريقية لصالح منتخب السنغال.
وقال أبو جبل في تصريحات تلفزيونية: الأوضة طبعا مكانش فيها أي حد بيتكلم، كان في هدوء، أنا قلت كلمتين، أنا دايما بقولها نفتكر المشهد اللي احنا فيه دلوقتي والمشهد لما بنكون فرحانين، لو عايزين تعيشوا نفس المشهد في ماتش شهر 3 قولولنا من دلوقت، إنما لو عايزين نغير المشهد يبقى لازم نشتغل من دلوقت ونركز ونتعب عشان نبقى جاهزين للماتش.
أبو جبل يوجه رسالة مؤثرة للاعبي منتخب مصر
وأضاف: في المؤتمر الصحفي قلت زي ما احتفلوا قدامنا، هنحتفل قدامهم في السنغال بالتأهل لكاس العالم ومش هنسيب حقنا، كابتن وائل وشوقي اتكلموا معانا وبعدهم الوزير أشرف صبحي، خاصة بعد كمية الظروف الصعبة اللي مرينا بيها والإصابات والمضايقات اللي اتعرضنا ليها طول البطولة، وكنا عايزين نفرح الناس، وزعلنا بس إننا خسرنا ومخدناش البطولة.
