حازم إمام: كنا الأولى بالفوز بالبطولة.. والسنغال أحق بمباراة النهائي
تحدث حازم إمام، عضو مجلس اتحاد الكرة الحالي ولاعب الزمالك السابق، عن أحقية المنتخب المصري بـ التتويج بـ بطولة كأس الأمم الإفريقية 2021، وأحقية المنتخب السنغالي بالفوز بالمباراة النهائية في المسابقة.
وقال حازم امام فقي تصريحات صحفية: أنا ومصر كلها تفاجأت بعد أداء المنتخب في مباراة " كوت ديفوار " بالتشكيل والأداء، ومنتخب مصر عملوا مجهود كبير رغم ارتفاع الحرارة والرطوبة وكفاية مباراة المغرب، وتشكيلات كيروش وتغيراته ممتازة وكنت متوقع المنتخب يتعب مع السنغال.
علق كابتن حازم إمام على نتائج بطولة أمم إفريقيا قائلًا: كل الماتشات بتاعت مصر بطبيعتي قبلها بببقى قلقان زي كوت ديفوار والمغرب بس بمجرد بدء اللعب بحسن أنهم جامدين.
وتابع: تفاجأت بالأداء بداية من مباراة كوت ديفوار وحسيت بالسعادة التشكيل كان رائع جدًا واللاعيبة عملوا ماتش كويس أوي، كنا بنلعب رأس برأس وأحسن كمان وعملوا فرص كتيرة ومنعم وحجازي عملوا شغل كويس أوي وتخطوا لاعبيين دوليين.
وواصل: مش أنا إلى تفاجأت مصر كلها تفاجأت لان أقصى طموح كان لينا هو دور 16 عشان شكلنا يبقى كويس، وبعد مباراة كوت ديفوار والمغرب وبالأخص الأخيرة التي لم يدخل فيها جون واحد في أي مباراة.
مشيدًا بتشكيلات المدير الفني كارلوس كيروش والتغيرات التي يقوم بها قائلًا: " كنا بنعترض ونقول ليه ماخدش فلان ؟ لكن مع اللعب على الأرض بنكتشف أن عامل حسابة كويس.
وحول النهائي مع السنغال قال: ماتش السنغال ليه خصوصية والناس كتيرة بتتكلم بس ماجربوش، منتخب السنغال وأنا كنت عارف أنهم هيتعبوا فيه جدًا، والناس كلها بتتكلم وهي قاعدة في البيت.
معددًا الصعوبات التي واجهتهم في تلك المباراة: الرطوبة عالية أوي ودرجة الحرارة وأربع ماتشات متتالية مدتها 120 دقيقة ده مجهود كبير جدًا لو اتعمل أصلًا في الدوري بالشكل ده هنتعب لكن إذا حطينا في الاعتبار القوة البدنية وسرعة الجري من منتخب السنغال الموضوع صعب جدًا.
