حمو بيكا يهدد نقابة الموسيقيين: هاخد حقي بالقانون وهكشف كل ظالم
تحدث مطرب المهرجانات الشعبية حمو بيكا عن نقابة المهن الموسيقية، مشيرا إلى أنه تعرض لـ ظلم؛ بسبب منعه من الغناء في مصر.
وقال حمو بيكا، خلال بث مباشر عبر حسابه بموقع تبادل الصور والفيديوهات، إنستجرام: أنا مظلوم بقالي سنين، وفيه ظلم في النقابة وافترى، وأنا هكشف كل ظالم، وهجيب حقي بالقانون، ومش عايز أغني تاني ولا أمسك الميكروفون في البلد دي تاني، أهم حاجة أجيب حقي.
وواصل حمو بيكا: قالوا في النقابة إن فيه ناس قدمت ورق مزوَّر، وناس تاني مسجلة، وبعدين أخدوا الكارنيهات، وأنا بقولك: حسبي الله ونعم الوكيل، دمرت مستقبلي، ومستقبل اللي معايا، وأنا هوريكوا معايا ناس قد إيه بتاكل عيش من ورايا، وكل ظالم له يوم، وبإذن الله هشوف فيك يوم.
وأضاف حمو بيكا: أنتوا مش عارفين أنا عايش إزاي، ومش بنام ولا يوم، أنا تعبت وشقيت ونجحت بالجمهور، وطول ما أنا مظلوم؛ حقي إن شاء الله هيجي.
حمو بيكا يرد على شمس
وعلى جانب آخر، أثار حمو بيكا جدلا واسعا على مواقع التواصل الاجتماعي، خلال اليام الماضية؛ حيث رد على الفنانة شمس بعد تعرضه للإساءة منها في أحد البرامج التلفزيونية، حيث قالت إنه لا يمتلك أي موهبة ولا منظر جيد ولا أخلاق للعمل كـ فنان.
ورد حمو بيكا، عبر حسابه الرسمي على موقع التواصل الاجتماعي فيسبوك، مؤكدا أنه يحب،شمس ولم يسئ إليها من قبل، ويحترمها من كل قلبه، وأن ما حدث بينهما هو سوء تفاهم.
