حمو بيكا باكيًا: مستعد اعتزل دلوقتي.. ومش عايز أدخل امتحانات النقابة تاني
قال مطرب المهرجانات حمو بيكا، إنه يتعرض لظلم كبير، مشيرًا إلى أنه مستعد للاعتزال فورًا، لأنه لن ينجح في اختبارات نقابة المهن الموسيقية.
وقال بيكا خلال لقائه مع الإعلامية ياسمين عز، في برنامج كلام الناس، المذاع عبر شاشة mbc مصر: أنا مستعد اعتزل دلوقتي، حرام عليكوا أنا هموت وكفاية ظلم، وفيه ناس صوتها مش حلو ونجحت في اختبارات نقابة المهن الموسيقية.. أشمعني أنا؟ هطلع اصرخ في الشارع.
وواصل: أنا مش عايز أدخل امتحانات النقابة تاني علشان كل ما بدخل بسقط، وبيقولولي غني أم كلثوم وأنا مش هعرف أغير صوتي لأني مطرب مهرجانات شعبية، أمي تعبت وخايفة عليا وقالتلي سيب الشغلانة، بس قولتلتها أنا مش بعمل حاجة غلط ودا شغلي وليه اتمنع.
أزمة عمر كمال وحمو بيكا
وفي سياق متصل، أثار حمو بيكا جدلًا واسعًا على مواقع التواصل الاجتماعي، بعدما ظهر في بث مباشر عبر حسابه الرسمي على موقع تبادل الصور والفيديوهات انستجرام وكشف خلافه مع عمر كمال، مشيرًا إلى أنه أصبح مغرورا ولا يرد على مكالماته.
وتحدى حمو بيكا، عمر كمال بأن ينجح وحده دون مساعدته، إذ ساعده حمو بيكا في العديد من الأعمال ببداياته الفنية، مؤكدًا أنه لن يتعامل مرة أخرى مع عمر كمال وقطع أي علاقة تجمعهما سويًا.
ووجه حمو بيكا رسالة قوية لـ عمر كمال، قائلا: أنا كنت أول واحد يا عمر عملتلك أغنية واتشهرت، يعني ربنا ثم أنا، وعايز أقولك وريني هتنجح لوحدك إزاي، ومتخليش حد ينجحك وعايز أشوف مهاراتك، ولو شوفتني في أي حته متسلمش عليا.. يا صاحب مزيف.
