الدنيا عادلة وزي نقلات العربية.. أبرز تصريحات ياسمين صبري عن العلاقات
عبرت الفنانة ياسمين صبري عن رأيها في كيفية بناء العلاقات، والعلامات الخضراء التي تشير لوجود طريق ناجح، في العلاقات، سواء أكانت علاقات صداقة أو حب، وذلك خلال حلقة نقاشية للكاتب الصحفي تامر عبده أمين، عقدها أمس والتي حضرها العديد من الجمهور، عبر موقع التغريدات القصيرة تويتر.
أبرز تصريحات ياسمين صبري
- الواحد بيحس بالحقيقة في كلام اللي قدامه.
- الدنيا عادلة وإحنا أحرار بشكل مخيف لأن المسئولية على عاتقنا كبيرة.
- الأطفال زي الحيوانات بيحسوا بالأشخاص الكويسين.
- الواحد كل ما ينوي يبقى أحسن ويتطور الكون بيقوله وأنا معاك والعكس صحيح.
- كل مرحلة بيبقى ليها أصدقاء معينين ودي مش ندالة ولا أنانية.
- الحياة عبارة عن نقلات زي ما بنسوق العربية مش قفزات.
- نقدر نتخلص من آلام وصدمات الماضي مع استعداداتنا الشخصية بالتخلص أيضًا من بعض الأشخاص.
- دوّر على الأحسن منك مش اللي أنت تطوره عشان هيخليك أحسن وهيطورك، دور على الأذكى وعنده شغف مهما كان وجود الناس دي صعب.
- محدش يختار ناس ويقول هيغيرها لأن ده خطأ كبير الناس بتقع فيه وبتدفع تمنه.
ولاحظ الحاضرون للحلقة النقاشية حضور رجل الأعمال أحمد أبو هشيمة زوج ياسمين صبري، دعمًا منه لها ودليلًا على الاهتمام بكل ما تؤيده زوجته، وتخطى عدد الحاضرين لتلك الحلقة حاجز الـ 70 ألف.
