الديهي يكشف حقيقة فيديو سبه للإعلامي عمرو أديب
كشف الإعلامي نشأت الديهي؛ حقيقة الفيديو المتداول على وسائل التواصل الاجتماعي والذي يظهر خلاله وهو يوجه السباب للإعلامي عمرو أديب.
وقال الديهي خلال برنامج "بالورقة والقلم" المذاع على قناة "تن"، مساء اليوم السبت: إمبارح جايبين مقطع فيديو كدة لقيت حد كلمني صديق عزيز له خبرة عريضة في المجال قالي في فيديو هبعتهولك شوفوا هو جديد والا قديم قلتله ابعته.
ولا عمرى أقول كدة لأي زميل
وأضاف الإعلامي نشأت الديهي: فتحت الفيديو لقيت أنا واقف كدة في نفس المكان دة وشغال عمال أشتم في عمرو أديب؛ اتخضيت ولا عمرى أقول كدة لأي زميل إن كنا بننتقد بعض أو نختلف بيكون في إطار الأدب الشديد.
وتابع الإعلامي نشأت الديهي: لما راجعت الفيديو لقينا أن كنت بتكلم عن الداعر محمد علي اللي كان بيشتم مصر كنت واقف في المكان ده وجايب فيديوهات لمحمد علي وبتكلم عليه؛ شالوا كلمة محمد علي قصوها وحطوا كلمة عمرو أديب لما كنت بتكلم لما حصل حادثة.
وأوضح الإعلامي نشأت الديهي: الفيديو بيجري ويتصرف عليه فلوس ويتمول؛ هو مفيش عقل يفكر؛ أي حد ألف باء هيفهم أنه متركب يعني؛ لكن اللي قاعد مركز وعمال يجمع ويركب حاجات على بعضها عشان يقول إن بشتم فلان؛ بيعمل نفس الكلام يجيب ناس يعملوا إن في تعذيب في السجون أو اختفاء قسري.
