عبد الله رشدي مهاجما هادي الباجوري بعد موافقته على تقبيل زوجته: دياثة وقلة أدب
هاجم الداعية عبدالله رشدي، الداعية الإسلامي، المخرج هادي الباجوري، بعد تصريحاته التي قال خلالها إنه ليس لديه مانع من أن يتم تقبيل زوجته الفنانة ياسمين رئيس، في الأفلام وأنه ليس لديه مانع من مشاركتها في مشاهد رومانسية.
ألف باء رجولة لا يمكن أن أقول عادي مراتي تتباس
وقال عبدالله رشدي عبر بث مباشر له على صفحته على موقع التوصل الاجتماعي فيس بوك: بقينا نتكلم في أمور بديهية وثوابت والأمر بقا مشكلة كبيرة جدا، بعيد حتى عن الدين ألف باء رجولة لا يمكن أن أقول عادي مراتي تتباس في الأفلام ومعنديش مانع في ذلك.
كوني أقبل إن مراتي تتباس تحت أي مسمى فدا قلة أدب ودياثة
وأضاف عبد الله رشدي: مش عارف إزاي واحد يتفاخر إن زوجته تتباس من الناس الغريبة لأن دا عمل فني، فهذا ليس عملا فنيا بل دياثة وقلة أدب، كوني أقبل إن مراتي تتباس تحت أي مسمى دياثة مفيش رأي تاني.
وأكمل عبد الله رشدي: العمل الفني يسهم في رفع درجة وعي الناس وينفعهم، أو يسهم في حال المشكلات، العنوسة، الطلاق، المشكلات الزوجية، وغيرها، لكن تطلع تقولي إني معنديش مانع من بوس مراتي والمجتمع عايز يتعالج، لا أنت اللي عايز تتعالج.
اللي ميغيرش على أهل بيته مش راجل
واستكمل عبدالله رشدي: الراجل هو من يغار على أهل ييته، اللي ميغيرش على أهل بيته مش راجل، وهذا كلام طبيعي، ومش رجولة أفرح إن مراتي تمشي في الشارع والرجالة تبصلها.
وواصل عبد الله رشدي: في أوروبا الكلام دا عادي ومفيش مشكلة، لكن هنا لا، والمشكلة بقا في مجتمعات عندنا في الوطن العربي بقا عندهم دا يبوس دي ودي تبوس دا ومفيش مشكلة.
يعني عادي اطلع شيفتها مع شيفته واطلع دا للناس
وأشار عبدالله رشدي: أنت موافق مراتك يتحسسه الآخرون فإزاي تسمي من يرفض ذلك ناس مريضة، متابعًا: اللي محافظ على أهل بيته من كل هذا هو اللي مريض وأنت عادي كدا وبيس، يعني عادي اطلع شيفتها مع شيفته عاشق ومعشوق واطلع دا للناس فعادي دا.
وأكمل عبد الله رشدي: الأغرب منهم قطيع الأغنام اللي طالع بيقول ندعمه ونقف جنبه وهذا الكلام، مضيفا: في ناس كتير ترفض مش مسلمين بس.
