عمر كمال بعد إيقافه: اعتذرت لـ هاني شاكر وقولتله جزمتك فوق دماغي
أبدى عمر كمال مطرب المهرجانات، استيائه الشديد من قرار إيقافه من قِبل نقابة المهن الموسيقية، مشيرًا إلى أنه كان يدافع عن نفسه خلال اللايف الذي ظهر فيه.
وأضاف عمر كمال، في مداخلة هاتفية ببرنامج يحدث في مصر، تقديم الإعلامي شريف عامر عبر قناة MBC، مصر، قائلًا: كنت بدافع عن نفسي؛ لأن البعض قال إن حفلتي فيها خناقة شوارع، وفي شخص قال لي: هاني شاكر هيمرجحني، قولت له: هاني شاكر بيمرجح اللي مش كويس.
كما عبَّر كمال عن استيائه من اتهامه بأنه كان يعاني من حالة سكر، قائلا: لقيت بيان، والناس قالبة الدنيا، وبيقولوا إني سكران، مين قال إني سكران؟، وعايز أعرف مين قال عليا كدا في النقابة، وهل عمل لي تحليل يعني عشان يعرف؟، وسكرتير النقابة بيقولي شوف الفيديو بتاعك.
عمر كمال: قولت لـ هاني شاكر جزمتك فوق رأسي
وأكد عمر كمال، أنه وجه اعتذاره إلى الفنان هاني شاكر، معقبًا: بعت رسالة لـ هاني شاكر، وقولت له: أنت جزمتك فوق راسي، ومحدش يقدر يغلط فيا، وفي ناس غلطت فيا من المذيعين، فين حق النقابة عليا؟، وفي ناس جُوَّه بتعرف القرار قبل البيان ما يُنشر، مين بيوجه مين؟.
وظهر عمر كمال في وقت سابق، في فيديو، يرد على أحد متابعيه، الذي استفزه بتعليق: هاني شاكر هيمرجحك، فردَّ عليه عمر كمال: مفيش حد يقدر يمرجحني يا قلبي، مفيش حد بيعرف يمرجحني، أنا بشتغل وفرقتي في كل حتة، جوه وبره، وفوق وتحت يا قلبي، يمرجح اللي زيك يا كوكو.
