ضرب زوجته مريم فخر الدين بسبب شادية.. لمحات من حياة محمود ذو الفقار في ذكرى ميلاده
يحل، اليوم الجمعة الموافق 18 فبراير، ذكرى ميلاد الفنان محمود ذو الفقار، الذي رحل منذ عام 1970، عن عمر يناهز الـ56 عامًا.
ويعد محمود ذو الفقار من المخرجين الذين تركوا خلفهم عديدًا من الأعمال التي حققت نجاحًا جماهيريًا كبيرًا، حيث قدّم أكثر من 100 فيلمًا في السينما المصرية، مخرجًا ومؤلفًا ومنتجًا وممثلًا.
وتزوج محمود ذو الفقار، من الفنانة مريم فخر الدين في عام 1652، وتحدثت الفنانة مريم فخر الدين عن المأساة التي عاشتها معه خلال فترة زواجهما، وذلك في أثناء لقائها مع الإعلامية صفاء أبو السعود في برنامج ساعة صفا، كما كشفت تفاصيل فيلم المرأة المجهولة.
وقالت مريم فخر الدين: والدي جوزني لمحمود ذو الفقار ومات، بعدها بشهر جالي واحد علشان يتفق معايا على شغل، جالي هلع واتخضيت، قولتله روح لمحمود ذو الفقار واتفق معاه، زي ما والدي كان بيعمل، وكان بيتفق وياخد الفلوس يحطها في حسابي في البنك.
واستكملت مريم فخر الدين: محمود كان يقرأ السيناريو ويتفق على الأجر ويشتري هدوم ليا ويديني ربع جنيه مصروف وأروح أمثل في الفيلم، وفضلت كدة لحد فيلم حكاية حب، بعدها جالي منتج قررت أتفق لنفسي، وقولتله أنا هاخد 6 آلاف وابتديت أتفق لنفسي واديت لمحمود أنا 3 آلاف وأخدت 3، وكنت عارفة أخبي 3 آلاف دول فين، والسواق اللي كان جايبهولي جاسوس، كنت لما أروح أزور أبويا في القبر، كان بيعرف ويزعقلي، وعرفت إن السواق اللي كان بيقوله.
قصة زواج مريم فخر الدين ومحمود ذو الفقار
وواصلت مريم فخر الدين: كنت بحط الفلوس في الشراب وأرميهم ورا المريا، وفي مرة سافر بيروت، وجيت أشوف الشرابات لقيت 40 شراب، فيها 40 ألف، قولت الراجل ده لازم أتطلق منه فورًا، لأنه كان وحش وشرير، وكان بيضربني وكنت بخاف منه، فسألت على شقة وأخدتها من وراه ووضبتها من كل حاجة، وبلغت واحد شغال عندنا في البيت إنه يقوله لو عاوز مريم انزلها شقتها في الدور الرابع، وبعدها نزل ليّ وفضل يغلط فيا، وبعدها اتكسف يروح من البوابين علشان أخدت شقة.
وتابعت مريم فخر الدين: في مرة محمود كان بيعمل سيناريو فيلم المرأة المقتولة في البيت، فكنت رايحة أعمل له قهوة فعجبني الدور، فطلبت منه إني أعمال الدور مكان شادية، فحمل الكرسي وضربني به في رأسي.
