كيف تفاعل السوشيال ميديا مع علقة عروس الإسماعيلية؟
تباينت ردود أفعال مستخدمي مواقع التواصل الاجتماعي، في أعقاب واقعة اعتداء عريس على عروسه بفستان الزفاف، وعقب خروجها من الكوافير في الإسماعيلية، ليلة أمس، وما صاحبها من حالة جدل بين رواد مواقع الاجتماعي.
ردود أفعال رواد السوشيال ميديا
وغرد حساب عبر تويتر يدعى مي قناوي: العروسة اللي عريسها ضربها في الشارع اللي بيتقال عليها ماعندهاش كرامة عشان اتجوزته برضوا دي ياريت ماننساش إنها ضحية المجتمع اللي اعتاد ضرب الستات وإهانتهم، ضحية البيت اللي خرجت منه وخلاها تتقبل فعل زي دا.
فيما غرد حساب آخر يدعى أحمد: عمرنا ماسمعنا إن البدو والعربان ضربوا امرأة، أبو جهل لما صفع وجه السيدة أسماء..شعر بالخزي والعار، وقال للرجال حوله اكتموها عني حتى لايقول الناس أن رجال قريش يصفعون النساء، الرجولة انعدمت خلاص لما تستقوى على واحدة ست وتضربها.
وعلق حساب يدعى هاجر أشرف عبر تويتر: هو احنا عايشين فين بجد؟؟ وإيه اللامبالاة اللي في الناس دي مفيش راجل فكر حتى يتدخل ويمنعه!! الواحد خايف يحصله حاجه في الشارع والناس تمشي وتسيبه.
وعلق عبد الرحمن علاء عبر فيسبوك: عروسة إسماعيلية كملت الفرح عادي وبتقولكم حصل خير وبحبك ياحماتي عشان جبتيلي حياتي، وبعد المرمطة دي كلها الميكب ثابت بجد تحفة تسلم أيد الميكب ارتيست.
وعلق أخر على الواقعة على حساب فيسبوك: الناس اللي عمالين يقولوا اتصالحوا..اعتقد بعد البهدلة ديه البنت رجعت غصب عنها، انتوا شايفين العيلة أصلا مرعبة ربنا يحميها منهم..ياجدعان وانتوا بتختاروا استنضفوا الأهل والزوج مش سوق العبيد، وفي الآخر بجد ياريت نخلينا في حالنا.
وعلقت أمنية أحمد عبر فيسبوك: عايزة أقول كلمتين مش أكتر على الضجة دي، زمان كنت أسمع إن الست الغلبانة المقهورة من جوزها تقول أنا مضطرة أكمل معاه عشان أربي ولادي، واحدة زيك بقى لسه على البر إيه مبررها إنها تكمل مع حد مسح بكرامتها الأرض وهما لسه بيقولو ياهادي وخلاها فرجة لكل الناس.
وعلقت أخرى على فيسبوك: ياجماعة احنا قاعدين مقهورين ومتعصبين إن أزاي العروسة تتضرب في الشارع ويحصل فيها كدا قدام الناس، وهي دلوقتي بعد ما رقصت معاه عادي جدًا في الفرح روحوا البيت وطلعوا لايف واللي فاكر فيه حاجه يجي ياكل حمام يابيييه، صباح الفل كان عندهم حق النلس اللي ماتدخلتش في الشارع الحقيقة، لأن الكرامة لا تباع ولاتشترى، محدش بعد كده يتحمق بقى ويتدخل بين البصلة وقشرتها.
