عمرو أديب: بحب أتكلم عن محمد صلاح كنموذج وصل لـ150 جول مع ليفربول بجول مزيكا
علق الإعلامي عمرو أديب، على تألق النجم المصري محمد صلاح، أمام فريق نورويتش سيتي، التي حسمها ليفربول بنتيجة 3 - 1، وأقيمت على ملعب "أنفيلد" معقل الريدز، ضمن منافسات الجولة الـ26 من مسابقة الدوري الإنجليزي.
بحب أتكلم عن صلاح أنه نموذج ومثل أعلى
وقال أديب خلال تقديمه برنامج الحكاية على إم بي سي مصر مساء أمس السبت: لما بتكلم عن محمد صلاح بحب اتكلم عنه كنموذج ومثل أعلى، وأنا شخصيا أنا في نهاية حياتي العملية لما بشوف صلاح بلقط منه حاجات وببقى عايز أعمل اللي بيعمله مش أجوان يعني ولكن في طريقة تفكيره.. الولد غير طبيعي ومن رأيي أهم شيء في صلاح الإصرار على الاستمرار، لما قابلته قالي كلمة مش عايزة تخرج من دماغي، قالي كل تفكيري إني عايز آخد الكورة وأروح بيها على الجول.
النهاردة صلاح سجل 150 جول
أكمل الإعلامي عمرو أديب: النهاردة صلاح سجل 150 جول وسجل أمس هدف تاريخي، وكل مرة بيعمل نفس القصة بياكل 3 يمين و3 شمال، النهادرة فعلها مو صلاح… صلاح يميل للتنويم وبيقولك بلعب كورة الشارع، وهو في دماغه كل مرة أشوفك فيها يبقى نفسي أه.. مدرب صلاح يورجن كلوب، قال إن الفرقة تاريخية وجزء من تاريخها هو محمد صلاح حاجة تسعدك.
