نهاد أبو القمصان تطالب بالقبض على عريس الإسماعيلية: فضحنا دوليًا
طالبت المحامية نهاد أبو القمصان بالقبض على عريس الإسماعيلية، مضيفة: احنا أمام مجموعة من الجرائم ومش عارفة ليه العريس ماتقبضش عليه، هي تسامح ماشي لكن قيم الأسرة المصرية فين! ده فضحنا دوليا ومحليًا.. وممكن يتحاسب بالمادة 25 من قانون جرائم الإنترنت".
تساءلت أبو القمصان، خلال مداخلة هاتفية مع الإعلامية لميس الحديدي، ببرنامج "كلمة أخيرة"، المُذاع عبر فضائية "on-e"، مساء اليوم الأحد: "لما البنات بتوع التيك توك طلعوا رقصوا قفشوهم ليه! هي قيم الأسرة اتخضت أوي ومنامتش الليل عشان بنت رقصت على التيك توك، وهذا لم يحدث في واقعة ضرب عروس الإسماعيلية.
أماكن لاستضافة السيدات المعنفات
واصلت المحامية نهاد أبو القمصان: "وزارة التضامن لديها أماكن لاستضافة السيدات المعنفات، مضيفة: هناك 8 بيوت استضافة للسيدات المعنفات، ونحتاج لمزيد من تلك الأماكن وهناك تعاون مع وزارة الداخلية في هذا الشأن".
ووجهت المحامية نهاد أبو القمصان رسالة للفتيات: "الست اللي تضرب ممكن تكلم المجلس القومي للمرأة أو الشرطة، والراجل الضعيف الفاشل هو اللي يمد إيده على مراته.. ولو عارف إنه لما هيمد إيده هي هتضربه أو أهلها هيطحنوه مش هيمد إيده.. وهو بيمد إيده عشان هي أضعف منه".
واستطردت أبو القمصان: مفيش راجل محترم يعمل كده، وده لازم يتقبض عليه.. ده لو راجل باس مراته في الشارع بتتعمله قضية فعل فاضح في الطريق العام.. وده لازم يتعالج ويتأهل لأنه مش عارف يسيطر على غضبه.
