عصام كاريكا: أول مرة أبقى تريند بشيء خارج الفن.. ومالقيتش نفسي في التمثيل
عبّر الفنان عصام كاريكا، عن سعادته بخطبة ابنته مي، وتصدره تريند جوجل، ومختلف مواقع التواصل الاجتماعي، خلال الأيام القليلة الماضية، بعدما تم تداوله صورة له ولابنته من حفل خطبتها.
وقال عصام كاريكا في تصريحات تلفزيونية: الحمد لله ربنا كرمني بعريس محترم وابن ناس وربنا يباركلهم، أول مرة أبقى تريند في حتة تانية غير الفن، بقول إن دي سنة الحياة الولاد بيكبروا ويتجوزوا، قعدت أهرب أسبوع منه لما جيه يتقدم، لحد ما قابلته، إنسان محترم وابن ناس، ونصحته وقولتله ماتزعلهاش وهي طيبة وفي حتة تانية عندي، ومش مصدق إني بقيت أبو العروسة.
أما عن التمثيل، فأضاف كاريكا: مالقيتش نفسي في التمثيل، ومااليش غير تجربتين بس، الأولى في فيلم عايز حقي مع هاني رمزي، والثانية مسلسل سيت كوم عربي اسمه حواكة بوت.
أعمال عصام كاريكا
تخرج عصام كاريكا في كلية السياحة والفنادق بجامعة حلوان، وبدأ مشواره في التلحين منذ عام 1933، وتعاون لأول مرة في التلحين مع الفنان محمد محيي في أغنية أعاتبك على إيه، وفي عام 1988 توجه لوضع الموسيقى التصويرية للأعمال السينمائية والمسرحية والدرامية.
لحن كاريكا للعديد من الفنانين في مصر والوطن العربي منهم الفنان عمرو دياب وحمادة هلال وديانا حداد وراغب علامة وخالد عجاج وليلى غفران وبهاء سلطان ومحمد سعد ومحمد هنيدي ومحمد محيي، وأبرز الأغاني التي قام بتلحينها هي أغنية 3 دقايق لـ بهاء سلطان، وأغنية كفاية يا عين لـ حمادة هلال وأغنية كله من الأيام ونظرة عينيه لـ راغب علامة وأغنية هي عاملة إيه لـ عمرو دياب.
