من يُخرج زكاة الذهب الزوج أم الزوجة؟.. مبروك عطية يجيب
أجاب الدكتور مبروك عطية، العميد السابق لكلية الدراسات الإسلامية جامعة الأزهر فرع سوهاج، عن سؤال نصه: من يدفع زكاة الذهب الزوج أم الزوجة؟
زكاة الذهب
وقال مبروك عطية، عبر فيديو له بصفحته الرسمية بموقع التواصل الاجتماعي فيسبوك: سؤال وجيه، يدفع زكاة الذهب من يملك الذهب، الذهب بتاع مين؟ بتاع الزوجة، يبقى الزوجة اللي تطلع زكاته وتطلعها منه، تبيع جرامين كل سنة لغاية أما يقل ويبقى 83 جرام، ووقتها خلاص مفيش زكاة لأن 83 جم أقل من نصاب الزكاة، أو مقدار الزكاة.
وأضاف مبروك عطية: على كل ألف 25 جنيه، معاكي دهب بمليون جنيه، يبقى زكاته كل سنة 25 ألف جنيه، على كل ألف 25 جنيه وهكذا.
تابع مبروك عطية: يدفع زكاة الذهب مالكه..هو باسم مين؟ لو الزوج شايل الذهب وغاوي ذهب يبقى عليه أن يخرج زكاته، إنما الحاجة عندها ذهب يبقى هي اللي اتخرجه لأن لها ذمة مالية خاصة، علشان متتكويش بيه في نار جهنم.
الفرق بين القبور والأجداث
في سياق آخر، رد مبروك عطية على سؤال آخر نصه: ما الفرق بين القبور والأجداث؟
وقال مبروك عطية: الاتنين بمعنى واحد والفرق دقيق جدًا، فإذا هم من الأجداث إلى ربهم ينسلون، مشيرًا إلى أن القبور مكان وجود الموتى ساكتين صامتين والأجداث لا يطلق عليها أجداثا إلا إذا خرج منها أصحابها المدفونون، فإذا كنت تتبع الفروق الدقيقة لكن مش في كل الآيات.
وتابع العميد السابق لكلية الدراسات الإسلامية: المعاني متقاربة، وأنا ليا كتبا اترقيت به في الجامعة اسمه الظواهر اللغوية في الفواصل القرآنية، والله لو قرأتموه لن تستحملوا منه صفحتين اثنين، فخلوا البحوث الدقيقة لأماكنها، وخلوا الدين المتقاربة معانيه للمتخصصين.
