السيسي: محتاج 5 تريليون دولار سنويا عشان المواطن يعيش مثل أوروبا
قال الرئيس عبد الفتاح السيسي، إن هناك توجيهات بالكشف الصحي الشامل على الأشخاص المقدمين على الزواج، للتأكد من الصحة الإنجابية والنفسية للمواطن، حتى يكون هناك أسرة واعية متكاملة تخرج أجيالا من الشباب يمكن تعليمهم بشكل جيد.
وأشار الرئيس السيسي إلى حجم إيرادات سنغافورة التي تقدر بنحو 3 تريليون دولار رغم قلة عدد السكان، وحجم إيرادات عدد من الدول الأخرى الناشئة المرتفعة.
ذكر الرئيس السيسي: أنا بقابل الناس في الشارع تقولي أنا زعلانه منك عشان عندي 6 أولاد، فأرد عليها أنا عندي 100 مليون، والتلفزيون مش بيعرض الحاجات دي عشان محدش يزعل، وفيه دول بتقول انتوا مش بتدوا حقوق الناس، لكن أنا مش عارف أعلم ولا أسكن، ولو مش مصدقين روحوا المرج والمطرية والخصوص وشوفوا شكل البلد عاملة ازاي وحجم الناس وعشان افتح شارع للناس تمشي بشيل ألف عمارة في حتة محدش بيمشي فيها، وأنا بعمل كدا عشان البلد دي بتاعتنا كلنا.
تابع الرئيس: كنت دايما بقول الأمن القومي الأمن القومي، لكن لما جيت دخلت على التعليم، وزير التعليم طارق شوقي أخد على دماغه لما مات بسبب المطالب.
قال الرئيس أنا محتاج 5 تريليون دولار إيرادات سنويا عشان أقدم تعليم وصحة زي اللي في أوروبا، ولما جينا نشيل قوائم الانتظار في الصحة من 3 سنين واجهنا العديد من التحديات لكننا مازلنا نبزل الجهود، وهذا لا يصل إلى المواطنين، والناس عايزة تعيش برضا لكن ده بيكون صعب بسبب ارتفاع الأسعار والضغوطات العالمية ومعدلات النمو السكاني التي لا تتكافئ مع النمو الاقتصادي.
