السيسي: أنا معاكم ومنكم ولو مش قادر والله لأفتح الباب وأديكو التحية وأمشي
قال الرئيس عبدالفتاح السيسي، إن قوائم الانتظار في مصر مش هتخلص وهتزيد، الفكرة إن إحنا مش عايشين جوا بلدنا بس؛ إحنا كمان بنتأثر من اللي بيحصل حوالينا.
وأضاف السيسي، خلال كلمته في إطلاق استراتيجية تنمية الأسرة المصرية، الغلا اللي إحنا فيه معدل النمو السكاني مش بيتكافئ مع معدل النمو الاقتصادي، إحنا عندنا عجز متراكم على مدار 50 سنة، يعني محتاج تضاعف عدد المستشفيات، طب ده هيتكلف كام، والتشغيل هيتكلف كام، والأطباء اللي بيسيبونا عشان المرتبات.. هو أنا مش عايز أديله مرتب كويس؟، ولا مش قادر؟، لأ الدولة اللي مش قادرة.
وتابع الرئيس: لو أنا خرجت آلاف الطلبة من كلية الآداب أو الجغرافيا، هو سوق العمل فيه الكلام ده.. هي الناس عايزه تعلم ولادها؟ ولا عايزه إيه، العدد اللي بيخرج مالوش مكان، والرسالة اللي عايز أوصلها للناس، إن قضية مصر قضية مشتركة، ومش قضية سلطة، أنا معاكم ومنكم، ولو مش قادر؛ والله لأفتح الباب وأديكو التحية وأمشي.
الخطة التنفيذية للمشروع القومي لتنظيم الأسرة
وتتضمن الخطة التنفيذية للمشروع القومي لتنظيم الأسرة، مشروع رفع كفاءة مستشفيات التكامل على مستوى الجمهورية، وأيضًا إنشاء مجموعة كبيرة من وحدات صحة وتنمية الأسرة، إذ تم تخصيص 450 مليون جنيه لتجهيز وحدات من هذا النوع، في الخطة الاستثمارية للعام المالي 2021 - 2022.
