السيسي: عدد السكان ده ملوش شغل.. بتخلف الطفل عشان تعذبه ولا عشان تتبسط؟
وجه الرئيس عبدالفتاح السيسي، التحية والشكر للقائمين على إعداد مشروع تنمية الأسرة المصرية، قائلًا: المشروع ده مش بس تنمية الأسرة المصرية، بل هو تنمية الدولة المصرية.
وأضاف الرئيس السيسي، خلال إطلاق استراتيجية تنمية الأسرة المصرية: كلنا محتاجين نحط إيدينا في إيد بعض، لتحقيق مشروع تنمية الأسرة لتغيير واقعنا لأفضل.
وتابع الرئيس: كنتوا بتتكلموا عن أسباب الاستقرار الحقيقي، لازم تعرفوا أن رضا المجتمع كلنا محتاجين نتحرك عشان نوصل للناس الحقيقة.
وأشار السيسي: العدد ده من السكان الزراعة متكفيهوش، والطرق متكفيهوش، والمدرسة متكفيهوش، ملوش شغل جايبه ليه عشان تعذبه ولا عشان تعيش وتتبسط.
وتابع: إذا كنتوا حابين تحققوا لبلدكم مكان حقيقي على خريطة العالم: يبقى العمل بلا نوم ولا راحة.
الخطة التنفيذية للمشروع القومي لتنظيم الأسرة
وتتضمن الخطة التنفيذية للمشروع القومي لتنظيم الأسرة، مشروع رفع كفاءة مستشفيات التكامل على مستوى الجمهورية، وأيضًا إنشاء مجموعة كبيرة من وحدات صحة وتنمية الأسرة، إذ تم تخصيص 450 مليون جنيه لتجهيز وحدات من هذا النوع، في الخطة الاستثمارية للعام المالي 2021 - 2022.
وقال الرئيس عبد الفتاح السيسي، إن الدولة تريد منح الأطباء رواتب مجزية، لكنها لا تستطيع ذلك في القوت الحالي.
وتابع السيسي، خلال إطلاق استراتيجية تنمية الأسرة المصرية: الأطباء اللي بيسيبونا عشان المرتبات مش كويسة.. هو أنا مش عايز أديله مرتب كويس ولا مش قادر؟، لأ الدولة اللي مش قادرة.
وأكمل: المدرس اللي بتتكلموا عليه، هو أنا مش عايز أديله مرتب كويس ولا مش قادر.. لأ مش قادر.
وأضاف: في عشرات الألوف اتخرجوا ونيجي نقول هنعمل الاختبار بميكنة ونظم، عشان أخلي الطالب متميز وعايز يشتغل.. يقوم الطالب يقولك انتوا هتعلمونا بالآي باد!.
وأكمل الرئيس: لو فضل كدة هنفضل في دايرة مستوى متدني من العمل.
