لو اعرف مكنتش دخلت تصوير من الأول.. حسام داغر يتعرض لأزمة بسبب مسلسل اللعبة
قال الفنان حسام داغر، إن دوره في الجزء الثالث من مسلسل اللعبة، تم حذفه لمشاكل إنتاجية، مشيرًا إلى أنه لو كان يعلم بذلك قبل مشاركته به، كان اعتذر عن العمل، معربًا عن استيائه الكبير من هذا الأمر.
وكتب حسام داغر منشورًا، عبر حسابه الشخصي بموقع التواصل الاجتماعي فيس بوك، قائلًا: أنا بحب شيكو جدًا، وبحب كاست اللعبة كله بشكل عام، بس أنا مش مبسوط من دور رجب معاهم، الجزء ده بسبب أنه كان امتداد لدوره في الجزء الثاني، وافقت على الجزء الجديد، على كلام ووعد من المجموعة، أن دور رجب مكمل، بسبب النجاح إلى حققته الشخصية قبل كده، وأنا صدقت ودخلت تصوير على أساس ده.
حسام داغر
وتابع حسام داغر: وكان معانا عدد حلقات قليل، لكن لقيت النتيجة أن بسبب مشاكل إنتاجية الدور متشال، وتواصلت مع المؤلف وفريق الكتابة، وقلت لهم بالنص لو أعرف مكنتش دخلت تصوير من الأول، لكن أنا مش زعلان لأن الحمد لله الناس عارفة كويس مين حسام، وعارفين شغلي عامل إزاي قبل كده.
حسام داغر في مسلسل اللعبة
وأضاف حسام داغر: وفي نفس الوقت أنا كنت متحمس، لما شيكو قالي أنت أحلى حاجة حصلت معايا في الجزء إلى فات، أنا حبيت بس أشاركم إلى حصل، خصوصًا أن دي أول مرة تحصل معايا.. لكن لسه الواحد بيتعلم، وهيفضل يتعلم.
