شهامة شاب تفقده حياته بعد إنقاذ فتاة من الغرق بالمطرية.. وشاهد عيان: قعد ساعتين ونص في المية| فيديو
شهامة شاب جعلته يفقد حياته في منطقة المطرية التابعة لمحافظة القاهرة، بعد أن حاول إنقاذ فتاة كانت تحاول الانتحار بعد أن ألقت بنفسها في مياه مسطرد، ولكنه بعد أن نجح في إنقاذها من الغرق والموت لقي مصرعه بسبب إصابته بشلل مؤقت، وعدم قدرته على الحركة.
شهامة شاب تفقده حياته بعد إنقاذ فتاة من الغرق بالمطرية
وقال أحد شهود العيان في بث مباشر عبر القاهرة 24، إن الشاب لاحظ أن هناك فتاة تغرق في بحر مسطرد، لذلك على الفور لاحقها، وألقى بنفسه في مياه البحر حتى وصل تقريبًا إلى نصف عرض البحر.
مصرع شاب حاول إنقاذ فتاة بالمطرية
وتابع شاهد العيان: البنت نطت بنفسها في البحر وكانت بتنتحر بس هو شافها وهي بتغرق عشان كده نزل ونط وراها على طول وراح وراها لـ نص المياه وطلعها، بس بقى ماسك فيها لأنه مكانش قادر يتحرك وجاله زي شد في رجله وقفه، فـ واحد تاني صاحبه حب يساعد جاب حبل شد بيه البنت وبعدين رايح يشد الشاب لقى المياه عمالة تسحب فيه ومقدرش يقاوم معاها، وكان عمال يقول لصاحبه تعالى الحقني بس هو ماعرفش يعمله حاجة من قوة المياه.
وأكمل شاهد العيان، أن الغواصين وصلوا بعد نحو ساعتين ونصف من أجل أن يحاولوا انتشاله من المياه، وقال: سبحان الله مياه البحر خدته هو وسابت البنت اللي كان نازل ينقذها وهي عايشه دلوقتي وكويسة، هو للأسف أنقذ البنت بس ماعرفش ينقذ نفسه، وهدومه اللي كان لابسها كمان هي اللي تقلته في الحركة.
