محمد رمضان خد سكة حلوة والليثي شكوكو العصر.. أبرز تصريحات حمادة هلال في حبر سري
حل الفنان حمادة هلال، ضيفًا على المذيعة أسما إبراهيم، في برنامجها حبر سري المذاع عبر شاشة قناة القاهرة والناس، وعرضت الحلقة على جزئين، على مدار يومي الخميس والجمعة.
ويرصد لكم القاهرة 24 أبرز تصريحات الفنان حمادة هلال، في الجزء الثاني، من حلقة برنامج حبر سري، والتي جاءت كالتالي:
ـ خسرت حملة إعلانية لشركة عالمية، بسبب نجاح أغنية محمد نبينا.
ـ أغنية عيش بشوقك كانت بتاعتي، واشتغلت عليها 6 شهور، ولكنها راحت في حتة تانية، بعد انشغالي بتعب أمي الله يرحمها.
ـ الراب يعني مكي، وويجز صاحبي جدا وهما شاطرين شطارة غير عادية، وخالد مختار هو اللي اخترع لي البديهيات.
ـ أصالة أفضل صوت عربي، وبتغني كل حاجة.
حمادة هلال في برنامج حبر سري
ـ مصطفى حجاج بعتبره أحسن صوت، لأني بحب خامة صوته، وبيغني كل حاجة.
ـ دياب بحب ثقته في نفسه، وبعشقه في التمثيل.
ـ محمود الليثي بعتبره شكوكو العصر.
ـ بتعجبني أغاني محمد رمضان، وهو واخد سكة حلوة، وهو شاطر، وإنسان محترم جدًا، وكفاية بره بأهله.
ـ فيلم شنطة حمزة، أنا قولت للمنتج بلاش الفيلم ينزل دلوقتي، عشان في أفلام متوسعلها، وأنت منتج جديد، بس مسمعش كلامي.
تصريحات حمادة هلال
ـ اللي خوفني إني عايز أنزل بورق كويس، وفكرة كويسة، والسينما مبقتش زي الأول.
ـ مش عايز الناس تربط كل حاجة في حياتها بالحسد والذهاب للدجالين، المنطقة دي علاجها الوحيد نقول يا رب.
ـ أغنية أشرب شاي كانت صدفة، وكنت رايح أسلم على مي كساب، اللي كانت تعبانة، وقابلت أوكا وأورتيجا، وقالولي على الأغنية.
ـ الصراع بين الحلال والحرام شغال معايا من زمان، من أيام ما روحت أعمل عمرة.
