مريم نعوم: تأثرت بـمسلسل سجن النسا نفسيًا.. وهذه نصيحتي للفتيات
كشفت السيناريست مريم نعوم تفاصيل أهم خطواتها الفنية خلال ملتقى She Can، الذي أقيم اليوم 5 مارس بحضور عدد من النجوم خلال جلسات النقاش بالحرم اليوناني في منطقة وسط البلد.
وقالت مريم نعوم خلال ندوة ملتقى She Can: أنا بعمل حاجات المرأة عشان المرأة جزء كبير من مواضيع ببقي حاسة بيها أو بمر بيها وبكون عارفة تفاصيل المرأة.
وعن أكثر الأعمال التي أثرت فيها خلال مشوارها الفني، أوضحت: أكثر حاجة كتبتها أثرت فيا شخصية حياة في سجن النساء وهى الأم اللي اضطرت تموت عيالها.
كما وجهت مريم نعوم نصيحة لبعض الجماهير التي تريد خوض تجربة السيناريست، تابعت: في نوعين بالكتابة الأول عبارة عن خواطر قصص قصيرة وهي بداية أسهل لأنها معتمدة على الموهبة ودار نشر تنزل الموضوع، والنوع الثاني هو السيناريو ولكنه محتاج دراسة بتاخد وقت أطول لأن جزء منه حرفة بنتعلمها ليها أصول وقواعد والجزء الثاني موهبة.
أما عن التحديات التي وجهتها خلال مشوارها الفني، أضافت: درست سينما وحصل تحول في الطريق لأني درست اقتصاد بس السينما دي الحاجة اللي كنت بحبها، بعد ما درست وقعدت كتير عشان أدخل الصناعة في تسع سنين من المحاولات علشان القي الحاجة اللي حبيت أعملها وقررت إن أول فيلم عقدنا لازم يكون شبهي.
ووجهت مريم ناعوم رسالة للفتيات خلال الندوة، قائلة: نصيحة للبنات صمموا على الحاجات اللي عاوزينها يوصلولها، وميسمعوش لأصوات السلبية اللي بتقول إنك مش هتقدري تكملي، بحس أننا لازم منسمعهاش لأن البنات أقوياء جدًا.
